08:29, 20 - شىلدە 2020 | GMT +5
جاپپاي توبەلەس: 5 پوليتسەي زارداپ شەگىپ، 39 ادام ۇستالدى
نۇر-سۇلتان. قازاقپارات - گەرمانياداعى فرانكفۋرت قالاسىندا جاپپاي توبەلەس بولىپ، سالدارىنان بەس پوليتسەي زارداپ شەككەن، دەپ حابارلايدى قازاقپارات «Deutsche Welle « تەلەراديوكومپانياسىنا سىلتەمە جاساپ.
بۇل باسسىزدىقتىڭ ءدال سول ۋاقىتتا شامامەن 3 مىڭ ادام بولعان قالانىڭ وپەرا الاڭىندا ورىن العاندىعى انىقتالدى.
الاڭداعى بەيبىت جاعداي ءتۇن ورتاسىنان اۋا اگرەسسيالىق سيپات الا باستاعان. كوپ ۇزاماي توبەلەس باستالىپ، ءبىر ادام زارداپ شەككەندىكتەن پوليتسيانىڭ ارالاسۋىنا تۋرا كەلگەن.
وسى كەزدە كەيبىرەۋلەر پوليتسەيلەرگە بوتەلكە لاقتىرىپ، بالاعاتتاي باستاعان. وقيعا بارىسىندا 39 ادام ۇستالدى.
