نۇرسۇلتان نازاربايەۆ ترامپتان س5+1 فورماتىمەن ىنتىماقتاستىقتى جالعاستىرۋدى ءوتىندى
«ەڭ الدىمەن اق ۇيگە، ا ق ش- قا شاقىرىپ، دەلەگاتسياما جىلى قوناقجايلىق تانىتقانىڭىز ءۇشىن شىن جۇرەكتەن ريزاشىلىعىمدى بىلدىرگىم كەلەدى. سىزبەن تەلەفون ارقىلى سويلەسۋىمىز، ەر-ريادتاعى كەزدەسۋىمىز جانە بۇگىنگى كەلىسسوزدەر سەنىم، دوستىق جانە ءوزارا تۇسىنىستىك تۋى اياسىندا وتۋدە. بۇل ساپارىم قازاقستاندىق-امەريكالىق قارىم-قاتىناستى ەكى حالىق پەن ەلدىڭ يگىلىگى ءۇشىن كەڭەيتىلگەن ستراتەگيالىق سەرىكتەستىك دەڭگەيىنە كوتەرەتىندىگىنە سەنىمىم مول. سوندىقتان دا ءبىز بۇگىن استانا مەن ۆاشينگتوننىڭ ءوزارا قارىم-قاتىناسىنداعى جاڭا داۋىرگە باستاماشى بولاتىن بىرلەسكەن ساياسي مالىمدەمە قابىلدايمىز»، - دەدى نۇرسۇلتان نازاربايەۆ.
مەملەكەت باسشىسى ا ق ش قازاقستان تاۋەلسىزدىگىن ەڭ ءبىرىنشى مويىنداعانىن جانە سول ۋاقىتتان بەرى قازاقستانعا ساياسي قولداۋ كورسەتىپ كەلە جاتقانىن اتاپ ءوتتى. بۇل ەلدىڭ نىعايىپ، الەمدەگى قۇرمەتتى مەملەكەتكە اينالۋىنا سەپتىگىن تيگىزگەنىن باسا ايتتى. سونىمەن قاتار ەلباسى ورتالىق ازياداعى بەس مەملەكەتتىڭ اتىنان كەلىپ وتىرعانىن ەسكە سالدى.
«قازىرگى ۋاقىتتا ورتالىق ازياعا ۇلكەن مەملەكەتتەردىڭ قىزىعۋشىلىعى زور. ءبىزدىڭ كورشىلەرىمىز - ءبىر جاعىندا رەسەي، ەكىنشى جاعىندا قىتاي، وڭتۇستىكتە يسلام الەمى. بۇل رەتتە ا ق ش- تىڭ ءبىزدىڭ س5+1 فورماتىمىزعا قاتىسۋى وتە ماڭىزدى. مەن پرەزيدەنتتەن بۇل ىنتىماقتاستىقتى جالعاستىرۋدى وتىنەمىن»، - دەدى نۇرسۇلتان نازاربايەۆ.
اۆتور: مارلان جيەمباي
