10:28, 05 - ماۋسىم 2019 | GMT +5
ەلوردادا 5-18 -ماۋسىم ارالىعىندا كولىك قوزعالىسى ءىشىنارا شەكتەلەدى
نۇر-سۇلتان. قازاقپارات - بۇگىننەن باستاپ ەلوردا كوشەلەرىندە كولىك قوزعالىسىنا ءىشىنارا شەكتەۋلەر ەنگىزىلەدى، دەپ حابارلايدى قازاقپارات اكىمدىك سايتىنا سىلتەمە جاساپ.
«نۇر-سۇلتان قالاسىنىڭ كولىك جانە جول- كولىك ينفراقۇرىلىمىن دامىتۋ باسقارماسى» مم (بۇدان ءارى - باسقارما) نۇر-سۇلتان قالاسىنىڭ ءىىد اكىمشىلىك پوليتسيا باسقارماسىمەن بىرگە، اۆتوكولىك جولدارىن ورتاشا جوندەۋ شەڭبەرىندە ماڭگىلىك ەل داڭعىلىنان باستاپ ساۋران كوشەسىنە دەيىنگى ۋچاسكەدە الماتى كوشەسى بويىنشا جوندەۋ جۇمىستارىن باستاۋ جوسپارلانىپ وتىر. وسىعان بايلانىستى، اعىمداعى جىلدىڭ ماۋسىم ايىنىڭ 5 نەن 18 نە دەيىنگى مەرزىمدە كورسەتىلگەن ۋچاسكەدە ءىشىنارا اۆتوكولىك قۇرالدارىنىڭ قوزعالىسى جابىلاتىن بولادى»، - دەلىنگەن حابارلامادا.
ەلوردا تۇرعىندارى مەن قوناقتارى كەپتەلىس تۋدىرماۋ ءۇشىن جول قوزعالىسى باعىتتارىن الدىن الا جوسپارلاۋ قاجەت.