استانادا سوت بۇزۋ تۋرالى شەشىم شىعارعان 4 تۇرعىن ءۇيدىڭ ۇشەۋى ءارى قاراي سالىناتىن بولدى
بۇل تۋرالى استانا قالاسىنىڭ قالالىق ورتا ساپاسى جانە باقىلاۋ باسقارماسىنىڭ رەداكسيا ساۋالىنا بەرگەن جاۋابىندا ايتىلعان.
«Mars Project» ج ش س - استانا قالاسى، «الماتى» اۋدانى، ا. بايتۇرسىنوۆ جانە ا84، ا85 كوشەلەرىنىڭ قيىلىسى اۋدانىندا ورنالاسقان كىرىكتىرىلگەن ءۇي- جايلارى مەن پاركينگى بار كوپپاتەرلى تۇرعىن ءۇي كەشەنى» - بارلىق ەسكەرتۋلەر جويىلىپ، رۇقسات قۇجاتتارى الىندى؛
«Stroy Group kz-202» ج ش س - استانا قالاسى، «ەسىل» اۋدانى، ش. ايتماتوۆ جانە ج. مولداعاليەۆ كوشەلەرىنىڭ قيىلىسى اۋدانىندا ورنالاسقان «ليسسابون» كوپپاتەرلى تۇرعىن ءۇي كەشەنى» - بارلىق ەسكەرتۋلەر جويىلىپ، رۇقسات قۇجاتتارى الىندى؛
«پروم ستروي گارانت ك ز» ج ش س - استانا قالاسى، «الماتى» اۋدانى، ا. بايتۇرسىن ۇلى، ت. جۇرگەنوۆ جانە №23-16 كوشەلەرىنىڭ قيىلىسىندا ورنالاسقان «ساتۋرن» كوپپاتەرلى تۇرعىن ءۇي كەشەنى» - بارلىق ەسكەرتۋلەر جويىلىپ، رۇقسات قۇجاتتارى الىندى»، - دەپ جازىلعان جاۋاپتا.
ال «الماتى» اۋدانىنداعى ش. قالداياقوۆ جانە ق. ازىربايەۆ كوشەلەرىنىڭ قيىلىسىندا ورنالاسقان «كوپپاتەرلى تۇرعىن ءۇي كەشەنىن» («Global Millennium» ج ش س) بۇزۋ ماسەلەسى ءالى سوتتا قارالىپ جاتقانى ايتىلعان. اكىمدىكتىڭ مالىمەتىندە بۇل نىساندا ۇلەسكەرلەر جوق دەپ كورسەتىلگەن.
بۇعان دەيىن استانادا 47 قۇرىلىس كومپانياسى «قارا تىزىمگە» ەنگەنىن جازعان ەدىك.
اۆتور:
ەسىمجان ناقتىباي
