س ق و-داعى شوشقا فەرماسىندا 4 ادام قازا تاپتى

پەتروپاۆل. قازاقپارات - سولتۇستىك قازاقستان وبلىسى تايىنشا اۋدانىنداعى «EMS AGRO» شوشقا كەشەنىندە ءتورت جۇمىسشى قازا تاپتى.
None

وقيعا بولعان نوۆويۆانوۆكا ەلدى مەكەنىنە ءوڭىر باسشىسى ايداربەك ساپاروۆ باردى، دەپ حابارلايدى قازاقپارات ءتىلشىسى.

س ق و اكىمدىگى باسپا ءسوز قىزمەتىنىڭ مالىمەتىنشە، جاۋاپكەرشىلىگى شەكتەۋلى سەرىكتەستىگىنىڭ ءتورت جۇمىسشىسى اۋىسىم اياقتالىسىمەن مال بورداقىلاۋ الاڭىنان شىقپاعان.

كەيىن تەكسەرۋ بارىسىندا ولاردىڭ تەرەڭدىگى 8 مەترلىك كارىزدىك جيناقتاۋشىنى تازالاۋ بارىسىندا قازا تاپقاندىعى انىقتالدى.

وقيعا ورنىنا س ق و اكىمى ايداربەك ساپاروۆ، ونىڭ ءبىرىنشى ورىنباسارى مارات تاسماعانبەتوۆ، وبلىستىق پوليتسيا دەپارتامەنتىنىڭ باستىعى ايدىن قابدۇلدينوۆ، تايىنشا اۋدانىنىڭ پروكۋرورى عالىمجان اۋباكىروۆ جانە مەملەكەتتىك ەڭبەك ينسپەكتسياسى باسقارماسىنىڭ باستىعى مارات وماروۆ باردى.

وبلىس اكىمىنىڭ تاپسىرماسىمەن ارنايى كوميسسيا قۇرىلدى.

ءتورت جۇمىسشىنىڭ مەرت بولۋىنا نە سەبەپ بولعاندىعى انىقتالىپ جاتىر. ءوڭىر باسشىسى ولاردىڭ وتباسىلارىنا بارىپ، كوڭىل ايتتى.

بۇعان دەيىن، س ق و-داعى پيتنوە كولىندە 100 ك گ استام بالىق قىرىلعانىن ايتقان ەدىك. ماماندار وقيعا ورنىنا شىعىپ، ولگەن بالىقتىڭ ۇشاسى مەن سۋدىڭ سىناماسىن الدى. سۋ جاندىكتەرى بۇل سۋ قويماسىندا وسىدان ءۇش جىل بۇرىن دا قىرىلدى. ول جولى 500 ك گ بالىقتىڭ ولەكسەسىن جيناپ الىپ، جويۋعا تۋرا كەلدى.


سوڭعى جاڭالىقتار