ەلگە قايتارىلعان كاپيتالدىڭ ءبىر بولىگىن 4 پايىزدىق اۆتونەسيەگە باعىتتاۋعا بولادى - ەكونوميست ماقسات سەرالى
«شىنى كەرەك قايتارىلىپ جاتقان قاراجاتتىڭ ءبارى مەملەكەتتەن ۇرلانعان، مەملەكەتتىك جوبالار ارقىلى شىعارىلعان بولاتىن. ەندى بۇل اقشالار مەملەكەتتەن تونالعاندىقتان مەملەكەتتىك باعدارلامالارعا باعىتتالۋى كەرەك دەپ ويلايمىن. ەگەر ۇكىمەت شىن مانىندە حالىقتىڭ وزىنە دەگەن سەنىمىن نىعايتۋعا نيەتتى بولسا، حالىق قامى ءۇشىن جۇيەلى جۇمىس ىستەپ جاتقانىن كورسەتكىسى كەلسە، بۇل اقشانى قايدا جۇمسايتىنىن حالىق تالقىلاۋىنا سالۋ كەرەك. جاڭا جاساقتالعان ءماجىلىس، ءماسليحات دەپۋتاتتارى بار. ءتىپتى ءماسليحات دەڭگەيىندە دە قاراستىرىلۋى كەرەك. بۇل قاراجاتتى ءبىز نە ىستەيمىز دەگەن سۇراقتىڭ تۇپكىلىكتى جاۋابىن حالىق ايتۋى كەرەك»، - دەيدى ساراپشى.
سونداي-اق، ول قازىردىڭ وزىندە تۇتاس ءبىر وبلىستى دامىتۋعا بولاتىن قارجى قايتارىلعانىن ەسكە سالدى.
«حالىق ءۇشىن ءبىرىنشى كەزەكتە نە ماڭىزدى؟ جاستاردىڭ باسپانا ماسەلەسىنە الاڭدادامايتىن قازاقستاندىق جوق شىعار. ياعني وسى اقشانى يپوتەكالىق باعدارلاماعا جۇمسايمىز با دەگەن ماسەلە تۋىندايدى. اۋىلداعى جاستاردى جۇمىسپەن قامتۋعا ءبولۋ ماسەلەسى دە وزەكتى. ءبىر بولىگىن، مىسالى جىل جىل سايىن 100 ميلليارد تەڭگەنى شاعىن جانە ورتا بيزنەستى دامىتۋعا بولەمىز بە دەگەن سياقتى. ءبىر وبلىستىڭ دەڭگەيىندەگى بەلگىلى ءبىر اۋماققا ءتان الەۋمەتتىك ماسەلەنى شەشۋگە باعىتتاۋعا دا بولادى. وسىنداي-وسىنداي ۇسىنىستاردىڭ ىشىنەن حالىق تاڭداۋ جاساۋى كەرەك. بۇل ءبىر جاعىنان حالىقتىڭ قارجىلاي ساۋاتتىلىعىن ارتتىرادى. 670 ميلليارد تەڭگە دەگەن ءبىر وبلىستى گۇلدەندىرۋگە بولاتىن قاراجات، بىلاي ايتقاندا»، - دەيدى ماقسات سەرالى.
ساراپشى ءوز اتىنان ۇسىنىس تا ايتتى.
«كەشەگى كەڭەيتىلگەن كەڭەستە پرەزيدەنت تە، پرەمەر-مينيستر دە ايتتى. قازاقستاننىڭ ءوز نارىعىن ءوز ونىمدەرىمەن قامتاماسىز ەتۋ ماسەلەسى وزەكتى بولىپ تۇر. بۇدان بولەك مەكتەپتەر مەن بالاباقشالار تاپشىلىعىن شەشۋ ماسەلەسى بار. پرەزيدەن جولداۋىندا جول ساپاسىن جاقسارتىپ، 90 پايىز ساپالى جولمەن قامتاماسىز ەتۋ تۋرالى مەجە قويدى. وسى باعىتقا دا جۇمساۋعا بولادى.
ودان كەيىن بۇل اقشانىڭ قايتارىمدىلىعىن ويلاۋىمىز كەرەك. ەڭ باستىسى بۇل اقشا جاڭا جۇمىس ورىندارىن اشۋى كەرەك. ەكونوميست رەتىندە ايتسام، ناقتى قايتاتىن جوبالارعا سالۋ كەرەك. ءوز اتىمنان ۇسىنىس رەتىندە مىنانى ايتار ەدىم. 4 پايىزدىق اۆتونەسيەگە قاراجاتتىڭ تاپشىلىعى ايقىن كورىنىپ تۇر. بۇل باعدارلاماعا دەگەن سۇرانىس وتە جوعارى. سوندىقتان ءبىر بولىگىن، مىسالى، قايتارىلعان قاراجاتتىڭ 100 ميلليارد تەڭگەسىن جىل سايىن وسى سالاعا قوسىمشا بولسە بولادى. بۇل جالپى حالىقتىڭ استىنداعى كولىكتىڭ جاڭارۋىنا سەرپىن بولار ەدى. ءبىر جاعىنان ەكولوگيالىق ماسەلە شەشىلىپ، حالىق قايتارىلعان اقشانىڭ شىنىمەن ەل يگىلىگىنە جۇمسالىپ جاتقانىن ناقتى سەزىنەر ەدى»، - دەيدى ەكونوميست.
