اعزاعا دارۋمەن جەتىسپەيتىنىن كورسەتەتىن 4 ايقىن بەلگى

استانا. قازاقپارات - ءبىزدىڭ اعزامىزدا پايدالى زاتتاردىڭ مولشەرى وتە از، ءبىراق ولار ماڭىزدى ءرول اتقارادى.

ولاردىڭ بيولوگيالىق قىزمەتتەرى جاقسى زەرتتەلگەن. سوندىقتان اعزاعا ميكروەلەمەنتتەردىڭ جەتىسپەيتىنىن بىرنەشە ايقىن بەلگىگە قاراپ انىقتاۋعا بولادى.

قاراڭعىدا ناشار كورە باستايسىز

ادامدار تۇندە كورمەيدى، ءبىراق بىزدە قاراڭعىدا ءجون تابۋعا مۇمكىندىك بەرەتىن ىمىرتتىق كورۋ بار. جارتىلاي تۇنەكتىڭ وزىندە تۇستەردى ناشار اجىراتساڭىز جانە كەڭىستىكتە دۇرىس جول تابا الماساڭىز، ول ىمىرتتىق كورۋدىڭ السىرەگەندىگىن بىلدىرەدى. ول جەكە اۋرۋعا جاتپايدى. بۇل قانداي دا ءبىر پروبلەمانى كورسەتەتىن بەلگى. كورۋدىڭ ناشارلاۋىنىڭ سەبەپتەرى كوپ، ءبىراق ول ءجيى ا دارۋمەنىنىڭ جەتىسپەۋىنەن بولادى. ءسابىزدىڭ كوپشىلىككە تانىس كورۋدى جاقسارتاتىن قاسيەتى شىندىق، سەبەبى ونىڭ قۇرامىندا بەتا-كاروتين بار. ول كوزگە جاعىمدى اسەر ەتەدى جانە كوز تورىن قاتايتۋعا كومەكتەسەدى. سونداي-اق ىمىرتتىق كورۋدى قالپىنا كەلتىرۋگە قاراجيدەك، قاراقات جانە يتمۇرىن كومەكتەسەدى.

اشۋلانشاق بولىپ كەتەسىز جانە تەز شارشايسىز

وكىنىشكە وراي، قازىر ۋايىمداتاتىن جاعدايلار ءجيى ورىن الۋدا. الايدا، ءبارى جاقسى بولسا دا، ءسىز اشۋلانساڭىز، مازاسىزدانساڭىز جانە شارشاساڭىز - بۇل پروبلەما.

ءبىزدىڭ جۇيكە جۇيەمىز تەك سىرتقى ەمەس، ىشكى تىتىركەندىرگىشتەرگە دە اسەر بەرەدى. B 12 دارۋمەنى جەتىسپەگەندىكتەن مازاسىزدانۋىڭىز نەمەسە اشۋلانۋىڭىز مۇمكىن. سونداي-اق بۇل دارۋمەن گورمونداردىڭ، سونىڭ ىشىندە سەروتونين، ادرەناليننىڭ سينتەزىنە قاتىسادى. ول جەتىسپەسە، ەستە ساقتاۋ مەن زەيىن قويۋدىڭ تومەندەۋى، كوڭىل كۇيدىڭ ءتۇسۋى جانە دەپرەسسيا پايدا بولۋى مۇمكىن. B 12 دارۋمەنىن تولتىرۋ ءۇشىن مامان كەڭەسىنە جۇگىنىڭىز. سونىمەن قاتار، راتسيوندى رەتتەڭىز: ەت، باۋىر، بالىق، جۇمىرتقا قوسىڭىز.

ءتىس نەمەسە ءتىس ەتى مازالايدى

جالپى ءتىس دارىگەرىنە جارتى جىلدا ءبىر رەت بارىپ تۇرۋ كەرەك. ءبىراق كەيدە تىسكە قاتىستى ايقىن پروبلەما جوق بولسا دا، ءتىس ەتى قانايدى جانە قاراپايىم ءتىس تازالاۋ وڭەزدى دۇرىس كەتىرمەيتىندەي كورىنەدى. بۇل كەزدە سىزگە س دارۋمەنى جەتىسپەۋى مۇمكىن.

پايدالى زاتتاردىڭ جەتىسپەۋشىلىگىنەن ءتىس بوسايدى، ءالسىز بولىپ كەتەدى جانە سارعايادى. ەمال بىرتىندەپ جەلىنىپ، بۇزىلادى. ال ونىڭ ورنىنا ءتىستىڭ بەتىنە داقتار تۇزىلەدى. ناتيجەسىندە، ءتىس جەگى پايدا بولادى. كوكونىستەر مەن جەمىستەردى كوبىرەك جەڭىز. ءتىسىڭىز قاتتى اۋىرسا، كەيىنگە قالدىرماي، بىردەن دارىگەرگە قارالىڭىز.

سالماعىڭىز ارتىپ كەتتى

دۇرىس تاماقتانىپ جۇرسەڭىز دە، سالماق قوسىپ جاتساڭىز، ول پايدالى زاتتاردىڭ جەتىسپەۋىنەن بولۋى مۇمكىن. يودتى باسقا ەلەمەنتتەرگە قاراعاندا ونىمدەردەن الۋ قيىنىراق. سەبەبى تەڭىز ونىمدەرى قولجەتىمدى ەمەس. ال تەڭىز تۇزى قاراپايىم تۇزدان قىمباتىراق.

يودتى قالقانشا بەز وندىرەتىندىكتەن، ءبىرىنشى كەزەكتە ونىڭ جۇمىسىن تەكسەرۋ كەرەك. ەندوكرينولوگقا قارالىپ، قان اناليزىن تاپسىرىڭىز.