قازاقستاندىق تاەكۆوندوشىلار «ازيا بالالارى» تۋرنيرىندە 4 مەدال جەڭىپ الدى

نۇر-سۇلتان. قازاقپارات - قازاقستاندىق تاەكۆوندوشىلار ۆلاديۆوستوكتاعى «ازيا بالالارى» تۋرنيرىندە ءساتتى ونەر كورسەتتى، دەپ حابارلايدى فەدەراتسيانىڭ باسپا ءسوز قىزمەتى.

جارىستىڭ ەكىنشى كۇنىندە 73 كەلى سالماقتاعى ەلنۇر مۇراتحان كومانداعا قولا جۇلدە سىيلادى.

بۇل كوماندامىز ءۇشىن تۋرنيردەگى ءتورتىنشى مەدال.

الدىمەن 63 كەلى سالماقتا داريا ماناس قىزى چەمپيون اتانسا، ابدۋللا ءابىلقاسىم (63 كەلى) مەن اياجان ساپارحان (55 كەلى) قولا جۇلدەگە قول جەتكىزدى.

قازاقستان قۇراماسى ساپىندا التى تاەكۆوندوشى ونەر كورسەتتى.

ءتورت جىلدا ءبىر وتەتىن «ازيا بالالارى» حالىقارالىق سپورت ويىندارىندا 1355 ورەن 19 سپورت تۇرىنەن 273 مەدال جيىنتىعىن ساراپقا سالۋدا.