قور نارىعىندا دوللار 4 تەڭگەگە ارزاندادى

الماتى. قازاقپارات - قازاقستان قور بيرجاسىنداعى (KASE) ساۋدا- ساتتىق قورىتىندىسى بويىنشا، تەڭگەنىڭ 1 دوللارعا قاتىستى باعامى تومەندەدى، دەپ حابارلايدى قازاقپارات ءتىلشىسى.

كۇندىزگى ساۋدا- ساتتىق مالىمەتىنە قاراعاندا، دوللار باعامى 18-شىلدەنىڭ كەشىمەن سالىستىرعاندا 4,26 تەڭگەگە تومەندەپ، 1 دوللار 480,36 تەڭگە بولدى.

ۇلتتىق بانكتىڭ 19-شىلدەدەگى رەسمي باعامى - 1 دوللار ءۇشىن 484,18 تەڭگە.

Kurs.kz مالىمەتىنشە، الماتىداعى اقشا ايىرباستاۋ پۋنكتەرىندە دوللاردىڭ ساتۋ باعامى - 480 تەڭگە، ساتىپ الۋ - 485 تەڭگە. ال، نۇر- سۇلتان قالاسى بويىنشا ساتۋ باعامى 478 تەڭگەدەن بولسا، ساتىپ الۋ - 483 تەڭگە.

ەسكە سالساق، تۇسكە دەيىن اقشا ايىرباستاۋ پۋنكتتەرىندە دوللار 490 تەڭگەدەن ساتىلعان بولاتىن.