ادىلەت مينيسترلىگى جاڭا 4 پارتيانىڭ قۇجاتىن تەكسەرىپ جاتىر

نۇر- سۇلتان. قازاقپارات - ق ر ادىلەت ءمينيسترى قانات مۋسين 4 باستاماشى توپتىڭ پارتيا قۇرۋعا قاتىستى قۇجاتتارى قارالىپ جاتقانىن ايتتى، دەپ حابارلايدى قازاقپارات ءتىلشىسى.
None
None

«2019 -جىلدان بەرى 10 باستاماشى توپ ساياسي پارتيالاردى تىركەۋگە قۇجات بەردى. ونىڭ ۇشەۋى ءبىرىنشى كەزەڭنەن ءوتتى. ولاردان حابارلاندىرۋ قابىلدانىپ، وعان راستاۋ بەرىلدى. ەكى پارتيا جارتى جىل بۇرىن راستاۋ العانىمەن پارتيا قۇرۋ باعىتىندا ودان ارى جۇمىس جۇرگىزگەن جوق. سوعان وراي تىركەۋگە ارنالعان قۇجاتتارىن ۇسىنبادى»، - دەپ اتاپ ءوتتى قانات مۋسين ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.

ونىڭ اتاپ وتۋىنشە، قازىرگى ۋاقىتتا ادىلەت مينيسترلىگىنىڭ قاراۋىندا 4 پارتيانىڭ قۇجاتى جاتىر. «حالىق دەربەستىگى» پارتياسى ەكىنشى كەزەڭگە ءوتتى. ولار سەزدەرىن وتكىزىپ، قازىرگى ۋاقىتتا زاڭعا سايكەس پارتيا رەتىندە قۇرىلتايشىلىق سەزىن وتكىزەدى. 20 مىڭ كانديداتىنىڭ ءتىزىمىن ۇسىنۋى قاجەت. قازىرگى ۋاقىتتا زاڭعا سايكەس تىركەۋ مەرزىمى توقتاتىلدى جانە پارتيا مۇشەلەرىن تەكسەرۋ ءجۇرىپ جاتىر.

«ەل تىرەگى»، «نامىس» جانە «بايتەرەك» پارتيالارى بويىنشا ءبىرىنشى كەزەڭ دەڭگەيىندە جۇمىس جۇرگىزىلۋدە. ياعني، پارتيا قۇرۋ نيەتى تۋرالى حابارلاما الىنعاننان كەيىن زاڭعا وراي تەكسەرۋ جاسالادى. مۇنى بىرنەشە رەت ايتتىم. كەمىندە 1 مىڭ ادام بولۋى ءتيىس باستاماشىلىق توپ مۇشەلەرىنىڭ اراسىندا ج س ن- ءى دۇرىس ەمەس نەمەسە ج س ن- ءنى اتىنا، تەگىنە اكەسىنىڭ اتىنا سايكەس كەلمەيتىن تۇلعالار بار. وكىنىشكە وراي، قازا تاپقان ازاماتتار، سونىمەن قاتار وزگە پارتيانىڭ مۇشەلەرى انىقتالدى. زاڭعا سايكەس، قازاقستان ازاماتتارى ءبىر عانا پارتياعا مۇشە بولا الادى. سول سەبەپتى ول باسقا پارتيانىڭ قۇرىلۋىنا قاتىسا المايدى. بۇل ادامدار پارتيا قۇرۋعا باستاماشىلار قاتارىنان شىعارىلادى جانە باستاماشى توپتىڭ مۇشەلەرىنىڭ سانى ازايىپ، زاڭمەن بەكىتىلگەن شەكتەلىمنەن تومەن ءتۇسىپ كەتەدى. وسى كەمشىلىكتەردىڭ ءبارىن جويعاننان كەيىن باستاماشى توپ قۇجاتتارىن قايتادان وتكىزىپ، مۇنان ارعى كەزەڭدەرگە وتۋگە ۇمىتكەر بولا الادى»، - دەدى ول.

اۆتور: مارلان جيەمباي


سوڭعى جاڭالىقتار