قازاقستاننىڭ 4 وڭىرىندە پاتوگەندىك زەرتحانا سالىنباق

نۇر- سۇلتان. قازاقپارات - ق ر دەنساۋلىق ساقتاۋ مينيسترلىگى ش ق و، تۇركىستان، اتىراۋ وبلىستارى مەن نۇر- سۇلتان قالاسىندا Ⅱ ساناتتاعى پاتوگەندىك زەرتحانا سالۋدى ۇسىنىپ وتىر.

ول ءۇشىن كەمىندە 7,7 ميلليارد تەڭگە قاجەت، دەپ حابارلايدى قازاقپارات ءتىلشىسى.

«قازاقستان رەسپۋبليكاسىنىڭ بيولوگيالىق قاۋىپسىزدىگى تۋرالى» زاڭ جوباسىن ءماجىلىس دەپۋتاتتارىنىڭ الدىندا تانىستىرعان ق ر دەنساۋلىق ساقتاۋ ۆيتسە- ءمينيسترى - باس سانيتار دارىگەر ەرلان قياسوۆ كوتەردى.

«زاڭ جوباسى اياسىندا قولدا بار زەرتحانالىق بازانى قوسىمشا جاراقتاندىرۋعا جانە جەتىلدىرۋگە (5,5 ميلليارد تەڭگە)، فيزيكالىق قورعانىستى جەتىلدىرۋگە (0,4 ميلليارد تەڭگە)، يممۋندىق- بيولوگيالىق پرەپاراتتاردى GMP تالاپتارى بويىنشا شىعارۋ جونىندەگى عيمارات سالۋعا (7,7 ميلليارد تەڭگە)، سونداي- اق ش ق و، تۇركىستان، اتىراۋ وبلىستارىندا جانە نۇر- سۇلتان قالاسىندا پاتوگەندىگى II ساناتتاعى ميكروورگانيزمدەرمەن جۇمىستى جۇزەگە اسىراتىن 4 زەرتحانا سالۋعا جوبالىق- سمەتالىق قۇجاتتاما ازىرلەۋگە (0,3 ميلليارد تەڭگە) بيۋدجەتتەن 14,4 ميلليارد تەڭگە جۇمساۋ كوزدەلگەن»، - دەدى ەرلان قياسوۆ.

ونىڭ ايتۋىنشا، بيوقاۋىپسىزدىك سالاسىنداعى ءبىرىڭعاي مەملەكەتتىك اقپارات جۇيە قۇرۋ ءۇشىن 200 ميلليون تەڭگە كەرەك. ال ميكروورگانيزمدەر كوللەكسياسىن ۇستاۋعا 400 ميلليون تەڭگە ءبولۋ ۇسىنىلىپ وتىر.

اۆتور: ەسىمجان ناقتىباي