10:01, 06 - تامىز 2021 | GMT +6
شىعىس قازاقستاندا كوروناۆيرۋستان كوز جۇمعاندار سانى 4 ەسەگە ازايدى
وسكەمەن. قازاقپارات - شىعىس قازاقستان وبلىسىندا بيىل كوروناۆيرۋستان كوز جۇمعاندار سانى وتكەن جىلمەن سالىستىرعاندا ءبىرشاما ازايعان، دەپ حابارلايدى قازاقپارات ءتىلشىسى.
ءوڭىر بويىنشا جىل باسىنان بەرى كوروناۆيرۋس ينفەكسياسىنان قايتىس بولعاندار سانى وتكەن جىلعى كەزەڭمەن سالىستىرعاندا 4 ەسەگە ازايعان.
بۇل جايلى ش ق و اقپارات ورتالىعىندا وتكەن باسپا ءسوز بريفينگى بارىسىندا وبلىستىق دەنساۋلىق ساقتاۋ باسقارماسىنىڭ باسشىسى ەرمەك وماربەكوۆ ءمالىم ەتتى.
«كوروناۆيرۋس پاندەمياسى باستالعالى بەرى وبلىستا 34729 ناۋقاس تىركەلگەن. قاۋىپتى دەرتتەن كوز جۇمعاندار سانى بىلتىر 300 ادامدى قۇرادى. ال بيىل قايعىلى جاعدايلار ازايعان. ناقتى ايتقاندا، جىل باسىنان بەرى ۆيرۋستان 72 ادام قايتىس بولدى»، - دەدى ول.
ەرمەك وماربەكوۆتىڭ ايتۋىنشا، قازىر وڭىردە كوروناۆيرۋستىڭ «دەلتا» شتاممى تارالىپ جاتىر. ول بۇرىنعى شتاممدارعا قاراعاندا قاۋىپتىرەك.