بولاشاق باعدارلاماسى ارقىلى گرانت بولىنەتىن ەلدەردىڭ تىزىمىنە 4 جاڭا ەل قوسىلدى
ولاردىڭ قاتارىنا اۆستريا، چەحيا، يرلانديا جانە وڭتۇستىك افريكا كىردى. سونداي- اق تىزىمگە گونكونگ (قىتاي) قوسىلدى، دەپ حابارلايدى ق ر ءبىلىم جانە عىلىم مينيسترلىگىنىڭ باسپا ءسوز قىزمەتى.
وسىلايشا، ەندى قازاقستاندىقتار «بولاشاق» باعدارلاماسى بويىنشا 27 ەلدە وقي الادى.
ەستەرىڭىزگە سالا كەتەيىك، بيىل وتىنىمدەردى قابىلداۋ 4 -مامىردا باستالىپ، 27 -قازانعا دەيىن جالعاسادى. بۇگىنگى تاڭدا قازاقستاندىقتاردان 158 ءوتىنىش كەلىپ تۇسكەن. پاندەمياعا قاراماستان، حالىقارالىق باعدارلامالار ورتالىعى قازاقستاندىقتار ءبىلىم الا الاتىن شەتەلدىك جوعارى وقۋ ورىندارىنىڭ سانىن ۇلعايتتى. ەگەر وتكەن جىلى ولاردىڭ سانى 138 بولسا، 2021-2023 -جىلدارى - 207 جوعارى وقۋ ورنى قازاقستاندىق ازاماتتاردى وقۋعا قابىلداۋعا دايىن.
بۇل رەتتە، جوعارى وقۋ ورىندارىن ىرىكتەۋ تالاپتارى دا كۇشەيتىلىپ وتىر. ماسەلەن، ج و و ءۇش حالىقارالىق اكادەميالىق رەيتينگكە كىرۋى ءتيىس. ستيپەنديالاردى تاعايىنداۋ جۇيەسىنە دە وزگەرىستەر ەنگىزىلىپ جاتىر. ول ءۇش كەزەڭنەن تۇرادى. وسىلايشا، ماۋسىم ايىندا 90 ستيپەنديا، تامىزدا - 170 ستيپەنديا جانە قاراشادا - 125 ستيپەنديا بولىنەدى. بۇل ستيپەنديانى وسى كەزەڭگە بەرىلگەن وتىنىمدەرگە سايكەس بىركەلكى بولۋگە مۇمكىندىك بەرەدى.
2021 -جىلى «بولاشاق» باعدارلاماسى بويىنشا وقۋعا 1055 ستيپەنديا ءبولىندى. ونىڭ 555- ءى ماگيستراتۋرا، رەزيدەنتۋرا، دوكتورانتۋرا جانە تاعىلىمداما باعدارلامالارى بويىنشا بولىنەدى. تاعى 500 ستيپەنديانى وتاندىق عالىمدار الادى.
