09:30, 02 - ءساۋىر 2021 | GMT +5
ەلوردادا 4- ساۋىردە اۆتوبۋستار جۇرمەيدى
نۇر-سۇلتان. قازاقپارات - الداعى جەكسەنبى كۇنى ەلوردادا قالالىق جانە قالا ماڭىنا قاتىنايتىن باعدارلاردىڭ قوزعالىسى توقتاتىلادى، دەپ حابارلايدى قازاقپارات City Transportation Systems كومپانياسىنا سىلتەمە جاساپ.
«جەكسەنبى كۇنى، 4- ساۋىردە نۇر-سۇلتان قالاسىنىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس، ەلوردادا قالالىق جانە قالا ماڭىنا قاتىنايتىن باعدارلاردىڭ قوزعالىسى ءبىر كۇنگە توقتاتىلادى. دەزينفەكتسيالىق جۇمىس جۇرگىزىلەدى»، - دەلىنگەن حابارلامادا.
جولاۋشىلار تاسىمالىمەن اينالىساتىن كومپانيا وكىلى قوعامدىق كولىكتە بەتپەردە تاعۋ رەجيمىن ساقتاۋدى سۇرايدى. اۆتوبۋسقا بەتپەردەسىز كىرۋگە بولمايدى. جول اقىسى قولما-قول اقشاسىز تولەنەدى.
