الماتى اۋەجايى ماڭىنداعى ۇشاق اپاتىنان 4 ادام قازا تاپتى - ت ج م اقپاراتتى راستادى
كەشە، 13- ناۋرىز كۇنى ساعات 17:25 تە الماتى قالاسى اۋەجايىنىڭ ديسپەتچەرلىك قىزمەتىنە ساعات 17:22 دە نۇر-سۇلتان - الماتى باعىتىنداعى ان-26 اسكەري ۇشاعى راداردان جوعالىپ، الماتى اۋەجايىنىڭ ماڭىنا اپاتتى جاعدايدا قونعانى تۋرالى اقپارات كەلىپ جەتتى.
وقيعا ورنىندا ءورت ءسوندىرۋ 11- ءبولىمىنىڭ (1,2) قىزمەتكەرلەرى، رەسپۋبليكالىق جەدەل-قۇتقارۋ وتريادىنان 9 ادام، 1 تەحنيكا، 1 كينولوگيالىق قىزمەتكەر، سونىمەن قاتار الماتىنىڭ قۇتقارۋ قىزمەتىنەن 5 اداممەن 1 تەحنيكا جۇمىس ىستەپ جاتىر.
سونىمەن قاتار، وقيعا ورنىندا ۇشۋدىڭ ىزدەۋ-اپاتتىق قامتاماسىز ەتۋ قىزمەتىنىڭ 4 تەحنيكاسى مەن الماتى وبلىسى ءورت ءسوندىرۋ جانە قۇتقارۋ قىزمەتىنىڭ 2 تەحنيكاسى بار. ۇشاقتا شىققان ءورت اۋىزدىقتالدى. سونداي-اق ول جەردە الماتى قالالىق قوعامدىق دەنساۋلىق ساقتاۋ دەپارتامەنتىنىڭ جەدەل-قۇتقارۋ جاساعىنىڭ 10 توبى جۇمىس ىستەپ جاتىر.
راستالعان مالىمەت بويىنشا، اسكەري ۇشاق اپاتىنان 4 ادام قازا تاۋىپ، 2 ادام ىلە اۋدانىنداعى اۋرۋحاناعا جەتكىزىلدى.