قازاقستاننىڭ 4 وبلىسىنداعى جولداردا كولىك قوزعالىسى شەكتەلدى

نۇر-سۇلتان. قازاقپارات - اۋا رايىنىڭ بۇزىلۋىنا بايلانىستى اقتوبە، باتىس قازاقستان، سولتۇستىك قازاقستان، قوستاناي وبلىستارىنداعى جولداردا بارلىق كولىك تۇرلەرىنە قوزعالىس شەكتەلدى، دەپ حابارلايدى قازاقپارات ق ر يندۋستريا جانە ينفراقۇرىلىمدىق دامۋ مينيسترلىگىنىڭ Telegram كانالىنا سىلتەمە جاساپ.

9- ناۋرىز كۇنى ساعات 20:30 دان باستاپ، اۋا رايىنىڭ بۇزىلۋىنا بايلانىستى (بۇرقاسىن، كوكتايعاق، جول كورىنىسىنىڭ قيىندىعى) «سامارا-شىمكەنت» تاسجولىنىڭ 526-618 شاقىرىمىندا، ناقتىراق ايتقاندا ب ق و شەكاراسى مەن قوبدا اۋىلىنىڭ ارالىعىندا بارلىق كولىك تۇرلەرىنىڭ جۇرۋىنە تىيىم سالىنعان.

ساعات 21:55 تە باتىس قازاقستان وبلىسىندا اۋا رايىنىڭ بۇزىلۋىنا بايلانىستى (بۇرقاسىن، جول كورىنىسىنىڭ قيىندىعى، كوكتايعاق) «سامارا-شىمكەنت» تاسجولىنىڭ 394-526 شاقىرىمى، اقتوبە وبلىسىنىڭ شەكاراسى مەن جىمپيتى اۋىلىنىڭ اراسىندا بارلىق كولىك تۇرلەرىنە جۇرۋگە بولمايدى.

ساعات 22:00 دە سولتۇستىك قازاقستان وبلىسىندا اۋا رايىنىڭ بۇزىلۋىنا بايلانىستى (قار، بۇرقاسىن، جولدىڭ كورىنبەۋى) بارلىق كولىك تۇرلەرىنىڭ جۇرۋىنە تىيىم سالىندى.

اتاپ ايتقاندا:

1. «جەزقازعان - پەتروپاۆل» 701-786 شاقىرىمى، نوۆويشيمسكوە اۋىلى مەن سەرگەيەۆكا 2 قالاسى.

2. «مامليۋتكا - قوستاناي» 103-180 شاقىرىمى، پرەسنوۆكا اۋىلى مەن قوستاناي وبلىسىنىڭ شەكاراسى.

ساعات 22:15 تە قوستاناي وبلىسىندا اۋا رايىنىڭ بۇزىلۋىنا بايلانىستى س ق و- دا (بۇرقاسىن، جول كورىنبەيدى) «مامليۋتكا - كوستاناي» تراسساسىنىڭ 180-250 شاقىرىمى، س ق و شەكاراسى مەن ۇزىن كول اۋىلىنىڭ اراسىندا بارلىق كولىك تۇرلەرىنىڭ جۇرۋىنە تىيىم سالىندى.