23:07, 14 - ماۋسىم 2020 | GMT +5
قازاقستاندا كوروناۆيرۋستان 4 ناۋقاس كوز جۇمدى
نۇر- سۇلتان. قازاقپارات - قازاقستاندا كوروناۆيرۋستان 4 ناۋقاس كوز جۇمدى، دەپ حابارلايدى قازاقپارات coronavirus2020.kz-كە سىلتەمە جاساپ.
كوروناۆيرۋس ىندەتىنەن 4 ناۋقاس كوز جۇمدى. نۇر- سۇلتان قالاسى - 1941 -جىلى تۋعان ايەل، پاۆلودار وبلىسى - 1971 -جىلى تۋعان ايەل ادام، اقمولا وبلىسى - 1977 -جىلى دۇنيەگە كەلگەن ەر جانە 1952 -جىلى تۋعان ايەل ادام.
ءولىم ناتيجەلەرىن زەرتتەۋ جونىندەگى كوميسسيا بۇل جاعدايلاردى كوروناۆيرۋستىق ينفەكسيادان قايتىس بولعان دەپ تىركەۋگە شەشىم قابىلدادى. قازاقستاندا كوروناۆيرۋستان بارلىعى 77 ادام قايتىس بولدى.
