الماتى بلوكپوستىنداعى وقيعا: كۇدىكتى 4 كۇن بۇرىن پوليتسيا قاتارىنان بوساتىلعان
«ازات ازاماتوۆ ىشكى ىستەر ورگاندارىندا 2014 -جىلدىڭ 30 - ساۋىرىنەن 2020 -جىلدىڭ 21 - مامىرىنا دەيىن پاترۋلدىك پوليتسيا ينسپەكتورى بولىپ جۇمىس ىستەگەن. جول اپاتىنان 4 كۇن بۇرىن ول ءوز ەركىمەن قىزمەتىنەن كەتكەن. جاۋاپكەرشىلىگىنىڭ تومەن بولۋىنا بايلانىستى قىزمەت ەتكەن جىلدارى 4 رەت تارتىپتىك جازاعا تارتىلىپ، بىردە- ءبىر رەت ىنتالاندىرۋ سىياقىسىن الماعان. جول اپاتى كەزىندە ول ماس بولعان. ونى سوت- ناركولوگيالىق ساراپتاما كورسەتتى. ساراپتاما قورىتىندىسىنا سايكەس، ول ورتاشا دارەجەلى ماس بولعان. 25 - مامىرداعى جول اپاتىنان سوڭ، جەكە قۇراممەن پروفيلاكتيكالىق جۇمىس اقساپ تۇرعاندىعى تۋرالى قورىتىندى شىعارىلدى. ودان بولەك، ب ا ق- قا جاڭساق اقپارات بەرىلگەنىنە بايلانىستى سىن ايتىلدى»، - دەدى پوليتسيانىڭ باسپا ءسوز قىزمەتىنەن.
قازىر بۇل دەرەك بويىنشا تەرگەۋ جۇمىستارى ءجۇرىپ جاتىر. قاجەتتى ساراپتامالار تاعايىندالعان. كۇدىكتى ق ر ق ك- ءنىڭ 345-بابى 1-بولىگىنە سايكەس 7-دەن 10 جىلعا دەيىن باس بوستاندىعىنان ايرىلۋى مۇمكىن. قايعىلى وقيعادان سوڭ ق ر ءى ءى م قالالىق پوليتسيا دەپارتامەنتىنىڭ 9 قىزمەتكەرى تارتىپتىك جازاعا تارتىلىپ، 3 قىزمەتكەر لاۋازىمىنان بوساتىلدى. ەسكە سالايىق، 25 - مامىر تاڭعى ساعات 05:26-دا BMW ماركالى كولىكتىڭ 28 جاستاعى جۇرگىزۋشىسى ماس كۇيىندە بلوكپوستاعى پوليتسيا كولىگىنە سوعىلدى. سالدارىنان ەكى پوليتسيا قىزمەتكەرى كوز جۇمدى. ال زارداپ شەككەن ءۇشىنشى پوليتسەي جاقىندا اۋرۋحانادا ەسىن جيدى. بۇگىن ق ر ىشكى ىستەر ءمينيسترى ەرلان تۇرعىمبايەۆ قىلمىستىق ءىستىڭ ءمان- جايىن تەرگەۋدى ىشكى ىستەر مينيسترلىگى وزىنە العانىن ءمالىم ەتتى.
