قازاقستاندا كوروناۆيرۋستان تاعى 4 ادام كوز جۇمدى

نۇر-سۇلتان. قازاقپارات - قازاقستاندا كوروناۆيرۋس ينفەكتسياسىنان تاعى 4 ادام قايتىس بولدى، دەپ حابارلايدى قازاقپارات coronavirus2020.kz سايتىنا سىلتەمە جاساپ.

4-ماۋسىم ساعات 23.40-تاعى مالىمەت بويىنشا، ىندەتتەن قاراعاندى وبلىسىندا 62 جاستاعى ەر ادام، پاۆلودار وبلىسىندا 63 جاستاعى ايەل، نۇر-سۇلتان قالاسىندا 76 جاستاعى ايەل، شىمكەنت قالاسىندا 70 جاستاعى ايەل كوز جۇمدى.

«ءولىم ناتيجەلەرىن زەرتتەۋ جونىندەگى كوميسسيا بۇل جاعدايلاردى كوروناۆيرۋس ينفەكتسياسىنان بولعان دەپ تىركەۋگە شەشىم قابىلدادى»، - دەلىنگەن اقپاراتتا.

ايتا كەتەيىك، قازاقستان بويىنشا كوروناۆيرۋستان بارلىعى 52 ادام قايتىس بولدى:

نۇر- سۇلتان قالاسى - 9

الماتى قالاسى - 10

شىمكەنت قالاسى - 10

اقمولا وبلىسى - 4

اتىراۋ وبلىسى - 2

شىعىس قازاقستان وبلىسى - 1

جامبىل وبلىسى - 1

باتىس قازاقستان وبلىسى - 1

قاراعاندى وبلىسى - 5

قوستاناي وبلىسى - 2

ماڭعىستاۋ وبلىسى - 1

پاۆلودار وبلىسى - 5

تۇركىستان وبلىسى - 1

ەسكە سالايىق، ق ر دەنساۋلىق ساقتاۋ ءمينيسترى ەلجان ءبىرتانوۆ كوروناۆيرۋس دياگنوزىمەن كوز جۇمعان، ءبىراق رەسمي ستاتيستيكاعا ەنبەگەن وزگە 37 ناۋقاس تۋرالى ايتقان بولاتىن.

سونداي-اق ول كوروناۆيرۋس جۇقتىرعاندار سانى ارتىپ بارا جاتقان وڭىرلەردە ەرەكشە شەكتەۋ شارالارى ەنگىزىلەتىنىن اتاپ ءوتتى.

بۇگىنگە دەيىن ەلىمىزدە كوروناۆيرۋسقا 12067 ادام شالدىقتى. ونىڭ 6606 سى جازىلىپ شىقتى.