الماتى وبلىسىندا 4 جاسار بالا ۆەلوسيپەد تەۋىپ ءجۇرىپ، جوعالىپ كەتكەن

تالدىقورعان. قازاقپارات - الماتى وبلىسى جامبىل اۋدانى ۇزىناعاش اۋىلىنىڭ ورتالىق كوشەلەرىنىڭ بىرىندە پاترۋلدىك پوليتسيا قىزمەتكەرلەرى ءوز ءۇيىن تابا الماي، جىلاپ جۇرگەن بالانى كەزدەستىرگەن، دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ءتارتىپ ساقشىلارى ءسابيدى تىنىشتاندىرىپ، اۋداندىق پوليتسيا بولىمىنە الىپ كەلگەن.

ول جەردە ونى شايمەن، تورتپەن تاماقتاندىرىپ، ارتىنشا اتا-اناسىن ىزدەستىرۋدى ۇيىمداستىرعان.

بالانىڭ وتباسى ۇزىناعاش اۋىلىنىڭ شەتىندە تۇراتىنى انىقتالدى.

«ناتيجەسىندە ءبىز بالانىڭ 29 جاستاعى اناسىن تاپتىق. ءتورت جاسار بالا ۆەلوسيپەد تەۋىپ ءجۇرىپ، اتا-اناسىنان الىسقا كەتىپ قالعانى انىقتالدى. بالا ءۇيىنىڭ ورنالاسقان جەرى مەن اتا-اناسىنىڭ ەسىمدەرى تۋرالى ەش نارسە ايتا المادى. دەگەنمەن، پاترۋلدىك پوليتسيا قىزمەتكەرلەرى اناسىنىڭ جەكە باسىن انىقتادى. بۇل ورايدا، ۇلىن ىزدەستىرە باستاعان انا دا ءسابيى مەن ءبىزدىڭ قىزمەتكەرلەرىمىزدى كورىپ، قاتتى قۋاندى»، - دەيدى الماتى وبلىسى جامبىل اۋداندىق پوليتسيا ءبولىمىنىڭ باستىعى اسحات تەگەنبايەۆ.