قازاقستاندا 4- مامىر كۇنى بولاتىن ماڭىزدى وقيعالارعا شولۋ

استانا. قازاقپارات - استانا. قازاقپارات - «قازاقپارات» حالىقارالىق اقپارات اگەنتتىگى 4- مامىر كۇنى بولاتىن ماڭىزدى وقيعالارعا شولۋدى ۇسىنادى.
None
None

باتىس قازاقستان وبلىسى

ساعات 18.00 دە ح. بوكەيەۆا اتىنداعى باتىس قازاقستان وبلىستىق قازاق دراما تەاترىندا جازۋشى- دراماتۋرگ ءسابيت دوسانوۆتىڭ شىعارماسى بويىنشا «مانشۇك» دراماسىنىڭ پرەمەراسى بولادى. رەجيسسەرلارى - قازاقستاننىڭ ەڭبەك سىڭىرگەن قايراتكەرى اسحات ماەميروۆ پەن ءاليا بايماحان.

ساعات 12:00 دە وڭىرلىك كوممۋنيكاتسيالار قىزمەتىندە وقو قورعانىس ىستەرى دەپارتامەنتىنىڭ باسشىسى، پولكوۆنيك ت. ءالىقۇلوۆ كوكتەمگى مەرزىمدى اسكەري قىزمەتكە شاقىرۋ ناۋقانى جايلى باسپا ءسوز-ءماسليحاتىن وتكىزەدى.

ساعات 11:00 دە وڭىرلىك كوممۋنيكاتسيالار قىزمەتىندە ەڭبەك، الەۋمەتتىك قورعاۋ جانە كوشى - قون كوميتەتىنىڭ وڭتۇستىك قازاقستان وبلىسى دەپارتامەنتىنىڭ باسشىسى ءا. تەمىربايەۆا باسپا ءسوز-ءماسليحاتىن وتكىزەدى.

وندا سپيكەر زەينەتاقى مەن الەۋمەتتىك قامسىزداندىرۋدى جۇزەگە اسىرۋ، مۇگەدەكتىكتى بەلگىلەۋ جانە الەۋمەتتىك قورعاۋ سالاسىنداعى زاڭنامالاردىڭ ساقتالۋىنا باقىلاۋ جۇرگىزۋ بويىنشا اتقارىلعان جۇمىستار مەن بيىل اتقارىلاتىن جۇمىستار جونىندە باياندايتىن بولادى.

وسكەمەن

ساعات 15.00 دە حالىق قاھارمانى، پارتيزان جازۋشى - قاسىم قايسەنوۆتىڭ 100 جىلدىق مەرەيتويىنا وراي ا. س. پۋشكين اتىنداعى كىتاپحانادا «ەرلىگى - ەلگە مۇرا، ۇرپاققا-ۇلگى» دەگەن اتپەن ەرلىك ساباعى وتەدى.

كوكشەتاۋ

ساعات 11.00 دە اقمولا وبلىسىنىڭ وڭىرلىك كوممۋنيكاتسيالار قىزمەتىندە قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اقمولا وبلىسى بويىنشا دەپارتامەنتىنىڭ 2018-جىلدىڭ 1- توقسانىنداعى قىزمەت قورىتىندىلارى بويىنشا بريفينگ وتەدى. بريفينگكە اقمولا وبلىسى بويىنشا دەپارتامەنت باسشىسى ب. بەسپالينوۆ، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ۇلتتىق بيۋروسى دەپارتامەنتىنىڭ تەرگەۋ باسقارماسىنىڭ باسشىسى ر. تۇرعامبەكوۆ جانە ق ر پرەزيدەنتى جانىنداعى مەملەكەتتىك باسقارۋ اكادەمياسى فيليالىنىڭ ديرەكتورى ا. بايماعامبەتوۆ قاتىسادى.

تالدىقورعان

ساعات 10.00 دە وقۋشىلار سارايىنىڭ ۇلكەن ءماجىلىس زالىندا «رۋحاني جاڭعىرۋ - جالپىعا ورتاق قۇندىلىق» اتتى تاقىرىپتا رەسپۋبليكالىق عىلىمي-پراكتيكالىق كونفەرەنسيا وتەدى.

ساعات 11.30 دا تالدىقورعان قالاسىنداعى «زاڭعار» مەيرامحاناسىندا وبلىس اكىمى ا. باتالوۆتىڭ 9- مامىر - جەڭىس كۇنىنە وراي سوعىس جانە تىل ارداگەرلەرىنە ارناعان سالتاناتتى قابىلداۋى وتەدى.

الماتى وبلىسى

ساعات 10.00 دە «الاتاۋ» مرامور كارەرىنىڭ اۋماعىندا (ەسكەلدى اۋدانى سىرىمبەت اۋىلى، «تاۋ جەتىسۋ» كەشەنىنىڭ ماڭىندا) جەرگە ءدال قونۋ بويىنشا پاراپلانەرلىق سپورتتان الەم كۋبوگىنىڭ اشىلۋ سالتاناتى وتەدى.

سەمەي

ساعات 10.00 دە وڭىرلىك اسكەري باسقارمانىڭ (اسكەري كوميسسارياتتار) قۇرىلعانىنا 100 جىل تولۋىنا ارنالعان سالتاناتتى جينالىس وتەدى. وتەتىن ورنى: قالالىق مادەنيەت ءۇيى

ساعات 12.00 دە شىعىس قازاقستان وبلىسى اكىمىنىڭ ەتيكا جونىندەگى وكىلىنىڭ قاتىسۋىمەن مەملەكەتتىك قىزمەتشىلەردىڭ ەتيكالىق ءتارتىبى تۋرالى سەمينار وتەدى. وتەتىن ورنى: اكىمدىكتىڭ ۇلكەن زالى (1 قابات)

ساعات 15.00 دە قالا اكىمى ە. ب. ءسالىموۆتىڭ قاتىسۋىمەن جەڭىس كۇنىنە ارنالعان «جەڭىس بالى» وتەدى. وتەتىن ورنى: اباي اتىنداعى كىتاپحانا

ساعات 16.00 دە قالا اكىمى ۇلى وتان سوعىسىنىڭ ارداگەرلەرىن جەڭىس كۇنىمەن قۇتتىقتاۋ ءۇشىن مايدانگەرلەر ءۇيىن ارالايدى. وتەتىن ورنى: نايمانبايەۆا كوشەسى، 152 ءۇي، 23، ءارى قاراي قالا اكىمى 4 مەكەن-جايعا بارادى.

سوڭعى جاڭالىقتار