مامىردىڭ 4 ءى كۇنى ەلدىڭ باسىم بولىگىندە جاۋىن جاۋىپ، جەل كۇشەيەدى

استانا. قازاقپارات - اتموسفەرالىق فرونتالدى بولىكتەردىڭ وتۋىنە بايلانىستى قازاقستاننىڭ سولتۇستىگى مەن شىعىسىندا جاڭبىر جاۋادى، كەي جەرلەردە نوسەرلەتەدى.
None
None

ەلدىڭ باتىسى مەن وڭتۇستىك بولىگىندە عانا جاۋىن-شاشىن بولمايدى. بۇل تۋرالى قازاقپارات «قازگيدرومەت» ر م ك- نىڭ مالىمەتتەرىنە سىلتەمە جاساپ حابارلايدى.

رەسپۋبليكانىڭ كەي جەرلەرىندە ءتۇمان ءتۇسىپ، جەل كۇشەيەدى، وڭتۇستىكتە شاڭدى داۋىل كوتەرىلەدى، بۇرشاق جاۋۋى دا ىقتيمال.

اقمولا وبلىسىندا كەي جەرلەردە جەلدىڭ جىلدامدىعى سەكۋندىنا 15-20 مەترگە جەتىپ، كۇندىز ەكپىنى 23-28 مەتر بولادى. داۋىل تۇرىپ، بۇرشاق جاۋۋى دا مۇمكىن.

سولتۇستىك قازاقستان، قاراعاندا وبلىستارىنىڭ ءبىرقاتار ايماقتارىندا سەكۋندىنا 15-20 مەتر جىلدامدىقپەن جەل سوعۋى مۇمكىن، ەكپىنى 23-28 مەترگە جەتۋى دە ىقتيمال. بۇرشاق جاۋىپ، تۇندە جانە تاڭ اتا تۇمان تۇسەدى دەگەن بولجام بار.

شىعىس قازاقستان وبلىسىندا كۇندىز جەلدىڭ جىلدامدىعى سەكۋندىنا 15-20 مەترگە جەتەدى، تۇندە جانە تاڭ اتا تۇمان ءتۇسۋى مۇمكىن.

وڭتۇستىك قازاقستان، كۇندىز قىزىلوردا، جامبىل، ماڭعىستاۋ، اقتوبە وبلىستارىندا جەل كۇشەيىپ، جىلدامدىعى سەكۋندىنا 15-23 مەترگە جەتەدى. وڭتۇستىك قازاقستان، قىزىلوردا وبلىستارىندا جەلدىڭ سوڭى شاڭدى داۋىلعا ۇلاسادى.

پاۆلودار وبلىسىنىڭ ءبىرقاتار ايماقتارىندا جىلدامدىعى سەكۋندىنا 15-20 مەتر بولاتىن جەل سوعادى، ەكىپىن 23-28 مەترگە جەتەدى.

قوستاناي وبلىسىندا جەلدىڭ كۇشى سەكۋندىنا 15-20 مەترگە جەتەدى، كۇندىز ەكپىنى سەكۋندىنا 23 مەتر بولادى. بۇرشاق جاۋۋى دا ىقتيمال.

سوڭعى جاڭالىقتار