الەم ارۋى بايقاۋىنان 4 سەمەيلىك سۇلۋ جۇلدەمەن ورالدى
بايقاۋدا جەر ءجۇزى سۇلۋلارىنىڭ ءبارى باس قوسقان. الەمنىڭ 20 ەلىنەن جينالعان 40 ارۋ 2017 -جىلى ماسكەۋدە، تۇركيا، فرانسيا ەلىندە وتكەن ىرىكتەۋ كەزەڭىنەن ۇزدىك شىققاندار. اقتىق كەزەڭگە جولداما العاندار 2 كۇن بويى ءتۇرلى اتالىمدار بويىنشا ونەر كورسەتتى. ياعني، ءوزىن تانىستىرۋ، شىعارماشىلىق، سپورتتىق سايىس جانە كەشكى، ۇلتتىق كيىم ۇلگىسىن كورسەتۋ. سۇلۋلىق سايىسىنا كەلگەندەردىڭ ەڭ كىشكەنتايى 4 جاستا بولسا، ۇلكەنى 50 گە اياق باسقان.
ايتا كەتەر جايت، سەمەي قالاسى اتىنان بارعان اينا توگۋسوۆانىڭ مودەلدىك اگەنتتىگىنىڭ 4 ارۋى قاتارىنان باس جۇلدەگە يە بولدى.
17 جاسار دانارا بەكمۇرزايەۆا Yong Miss Beauty جاسى 9-داعى بالجان بەيبىت قىزى Mini Miss World Beauty جاسى 14-تەگى نۇردانا توقانوۆا «Yong Miss World Beauty» اتالىمى بويىنشا باس جۇلدە الدى. ال «Grand Prix Missis Universe Beauty» تيتۋلى 48 جاستاعى دانا مۇحامەدجانوۆاعا بۇيىردى. ماماندىعى بويىنشا زاڭگەر، ءبىراق سۇلۋلىققا جانى قۇمار دانا بۇعان دەيىن «ميسسيس سەمەي - 2016»، «I ۆيتسە- ميسسيس ازيا»، «ميسسيس ەۆرازيا-2017» اتاعىنا يە بولعان.
«ءبىز بايقاۋعا قاتىسقانىمىزعا وتە قۋانىشتىمىز. دايىندىعىمىز ەش كەتپەدى. جانە ءبىز ءۇشىن بۇل جاڭا تاجىريبە، جاڭا دوستار. بايقاۋدان كەيىن ءبىزدىڭ سۇلۋلارعا ءتۇرلى ۇسىنىستار ءتۇسىپ جاتىر. سولاردىڭ ءبىرى ماكەدونياعا شاقىرتۋ. وسى جىلدىڭ تامىز ايىندا وندا سۇلۋلىق فەستيۆالى وتەدى. ال تاعى 2 قىز حوشيمينگە كەتەدى. ولار الەمگە ايگىلى ديزاينەر ۆيكت چانگ ۆاۋگتىڭ توپتاماسىن ۇسىنادى»، - دەدى مودەل مەكتەبىنىڭ ديرەكتورى اينا توگۋسوۆا.
