قازاقستاندىقتار ەمىنە قارجى جيناعان 4 جاسار ءسابي كوز جۇمدى

None
None
استانا. قازاقپارات - جۇرەگىنە وپەراتسيا جاسالۋى ءتيىس 4 جاستاعى شىمكەنتتىك ۆيولا بالان قايتىس بولدى. قازاقستاندىقتار ەمىنە قارجى جيناعان 4 جاستاعى قىزدىڭ جۇرەگىندە اقاۋى بولعان، دەپ حابارلايدى قازاقپارات.

«قۇرمەتتى ءبىزدىڭ جاقىندارىمىز، وسىدان ەكى ساعات بۇرىن ءبىزدىڭ ۆيولامىز قايتىس بولدى. بۇل ءبىزدىڭ بارلىعىمىز ءۇشىن ورنى تولماس وكىنىش. ءبىر كەزدەرى ۆيولانىڭ ءارى قاراي ءومىر سۇرۋگە دەگەن ءۇمىتىن وياتىپ، ونىڭ اناسىمەن ءبىر جىل بويى بىرگە بولۋىنا ۇلەس قوسقان ازاماتتاردىڭ بارلىعىنا راحمەت!»، - دەپ جازدى قىزدىڭ تۋعان-تۋىستارى Instagram پاراقشاسىنا.

ايتا كەتەيىك، ۆيولا جۇرەگىنە كۇردەلى ءارى قىمبات وپەراتسيا جاساۋدى قاجەت ەتەتىن ەدى. وپەراتسياعا 150 مىڭ ەۋرو قاجەت بولاتىن. ءسابيدىڭ وپەراتسياسىنا قارجىنى قازاقستاندىقتار مەن وزگە دە شەت مەملەكەتتەردىڭ ازاماتتارى جينادى. دەنساۋلىق ساقتاۋ جانە الەۋمەتتىك دامۋ مينيسترلىگى ۆيولا بالاندى بەرليندەگى نەمىس جۇرەك ورتالىعىنا جىبەرۋ ماسەلەسىن شەشتى.

2016-جىلدىڭ قاراشاسىندا ۆيولاعا بەرليندە وپەراتسيا جاسادى. وسىدان ءبىر اي بۇرىن قىزدىڭ دەنساۋلىعى قايتا ناشارلاي باستادى. ول استاناداعى كلينيكالاردىڭ بىرىندە جانساقتاۋ بولىمىندە جاتتى. ۆيولاعا ەكىنشى رەت وپەراتسيا جاسالۋى كەرەك ەدى. وكىنىشە وراي پەرىشتە ءسابي ول كۇنگە جەتە المادى.

سوڭعى جاڭالىقتار