قاراعاندىلىق كورشىلەرىنىڭ بالالارىن قۇتقارۋ ءۇشىن ولاردى 4 -قاباتتان تاستاپ جىبەرگەن

قاراعاندى. قازاقپارات - ءورت كەزىندە كورشىلەردىڭ بەي- جاي قاراماۋىنىڭ ارقاسىندا ءۇش بالا امان قالدى، دەپ حابارلايدى «قازاقپارات» ح ا ا قاراعاندى وبلىستىق ت ج د باسپا ءسوز قىزمەتىنە سىلتەمە جاساپ.

2018 -جىلدىڭ 7 - اقپانىندا ساعات 13:57-دە قاراعاندىداعى 12- شاعىناۋداندا ورنالاسقان بەس قاباتتى تۇرعىن ۇيدە ءورت شىققانى تۋرالى حابار تۇسكەن. ءورت سوندىرۋشىلەر كەلگەن كەزدە 4- قاباتتاعى 3 بولمەلى پاتەردىڭ زالى مەن جاتىن بولمەسى جانىپ جاتقان.

كورشىلەر ءتۇتىننىڭ ءيىسىن سەزىپ، ءورت سوندىرۋشىلەرگە حابارلاسقان. ولار پاتەردە بالالاردىڭ بولعانىن ءبىلىپ، وزدىگىنەن ارەكەت ەتە باستايدى.

 3- قاباتتا تۇراتىن تاحير زاكيزيانوۆ دالاعا كىلەم توسەگەن. كەيىن ءوزىنىڭ بالكونى ارقىلى جانىپ جاتقان پاتەردىڭ بالكونىنا شىعىپ، بالالار جىلاپ جاتقان تەرەزەگە جەتەدى. قولىنا 2016 -جىلعى قىزدى الىپ، ونى ايەلىنە بەرگەن. تاحير 2011 -جىلعى ەكى ەگىز ۇلدى جانىپ جاتقان پاتەردەن تەرەزە ارقىلى شىعارعان، ءبىراق جۇبايى قورىققاندىقتان ولاردى ۇستاپ قالا الماعان. سول كەزدە تاحير بالالاردى توسەلگەن كىلەمنىڭ ۇستىنە تاستاۋعا بەل بۋعان.

«ءوزىمنىڭ ءومىرىمدى ەمەس، بالالاردى ويلادىم. بالالار قاتتى قورقىپ، جىلادى. ولاردى كەزەكپەن تومەنگە تاستادىم»، - دەيدى تاحير.

بالالار زارداپ شەكپەگەن، ولار ىستان ۋلانۋ دياگنوزىمەن اۋرۋحاناعا جەتكىزىلدى، ءبىراق دارىگەرلەردىڭ قاراۋىنان كەيىن ۇيلەرىنە قايتارىلدى.

ءورت سوندىرۋشىلەر كىرەبەرىستەگى 15 تۇرعىندى ەۆاكۋاتسيالاعان، سونىڭ ىشىندە ەكى بالا بار. 20 شارشى مەتر اۋماقتى شارپىعان جالىن ساعات 14:48-دە ءسوندىرىلدى. ءتىلسىز جاۋدى اۋىزدىقتاۋعا 33 ادام مەن 7 تەحنيكا جۇمىلدىرىلعان.

ءورتتىڭ شىعۋىنا بالالاردىڭ وتپەن ويناۋى سەبەپ بولعان.

 قاراعاندى وبلىستىق ت ج دەپارتامەنتى ءورت كەزىندە بالالاردى قۇتقارعانى ءۇشىن تاحير زاكيزيانوۆتى ماراپاتتاۋ تۋرالى ۇسىنىس جولداماقشى.