سۇننەت بويىنشا تاماقتانۋدىڭ 4 ادەبى
1) تابەتى تارتقان استى جەۋ. ءابۋ ھۇرايرا (ر. ا. ) بىلاي اڭگىمەلەيدى: «اللانىڭ ەلشىسى اس تالعامايتىن. تابەتى تارتقاندا عانا قول سوزاتىن» .
2) وزگە تاباققا قول سوزباي، تەك ءوز الدىڭنان جەۋ. ومار يبن ءابۋ ءسالام بىلاي اڭگىمەلەيدى: «ءبىر كۇنى اللا ەلشىسىمەن بىرگە تاماقتاندىم. تاماقتىڭ ەتىن عانا تەرىپ جەي باستاپ ەدىم: «تەك ءوز الدىڭنان عانا جەۋىڭ كەرەك»، - دەدى ەسكەرتىپ.
3) تاماقتى «بيسميللامەن» باستاۋ. ۋمايا يبن ءابۋ ماحشا بىلاي اڭگىمەلەيدى: «بىردە اللا ەلشىسى «بيسميللا» دەپ ايتپاستان ءبىر كىسىنىڭ تاباققا قول سالىپ جەي باستاعانىن بايقاپ قالادى. الگى كىسى تەك سوڭعى ءتۇيىر استى الىپ تۇرىپ: «بيسميلليھي في ءاۋۋاليھي ءۋا احيريھي»، - دەيدى. وسىنىڭ ءبارىن ءۇنسىز باقىلاعان اللانىڭ ەلشىسى كۇلىمسىرەپ: «ۋاللاھي، باستاپقىدا شايتان دا ونىمەن بىرگە تاماقتانىپ جاتتى. سوڭىندا «ءبيسميللا» دەپ ايتىلعاندا شايتان ءىشىپ- جەگەننىڭ ءبارىن قۇستى»، - دەدى.
4) تاماقتانىپ بولعان سوڭ، اللاعا شۇكىرشىلىك ەتۋ. حازىرەت ءاليدىڭ بىرەۋگە قالاي تاماقتانۋ كەرەكتىگى جونىندە ايتقان ناسيحاتى يبن ءابادتىڭ اڭگىمەسى: «بىردە حازىرەت ءالي ماعان: «ۋا، يبن ءاباد، تاماقتىڭ دا حاقىسى بار، بىلەسىڭ بە؟ - دەدى. مەن: «قانداي؟» - دەدىم. ول: «بيسميللا. اللاھىم، وسى بەرگەن نىعمەتتەرىڭە بەرەكە بەر. بويىمىزعا قۇت بولسىن دەۋىڭ كەرەك»، - دەدى. سوسىن مىناداي سۇراق قويدى: «ال اس قايىرىپ، ءىشىپ-جەگەنىڭە قالاي شۇكىرشىلىك ەتۋدىڭ جولىن بىلەسىڭ بە؟». «قالاي؟» - دەدىم مەن. «بىزگە جەگىزگەن جانە ىشكىزگەن اللاعا شۇكىرشىلىك ەتەمىن دەۋىڭ كەرەك»، - دەدى».
قازاقستان- زامان
