وتكەن جىلى قىتايدان قازاقستانعا 4 ميلليون سالەمدەمە جىبەرىلگەن
بۇگىن قىتايدا «قازپوشتا» ا ق مەن China Post Group وكىلدەرى اراسىندا ءتيىستى شارتقا قول قويىلدى.
«ەلەكتروندى كوممەرتسيا نارىعىنىڭ الەمدەگى جىل سايىنعى ءوسىمى %30 دان استامدى قۇرايدى جانە مۇندا نەگىزگى قارقىن قىتاي ينتەرنەت- الاڭدارىنا تيەسىلى. قازاقستانعا كەلەتىن پوشتانىڭ جالپى كولەمىنىڭ 30 پايىزدان استامى قىتاي سالەمدەمەلەرىنىڭ ۇلەسىندە جانە ولاردىڭ سانى جىلدان- جىلعا ارتىپ كەلەدى. ەگەر 2014 -جىلى ولاردىڭ سانى 2,5 ميلليون دانا بولسا، 2015 -جىلى 3,6 ميلليون داناعا جەتتى. بۇل كورسەتكىش وتكەن جىلى 4 ميلليون دانانى قۇرادى. 2017 -جىلدىڭ ءبىرىنشى توقسانىندا وتكەن جىلدىڭ سايكەس كەزەڭىمەن سالىستىرعاندا پوشتا كولەمىنىڭ 2 ەسە وسكەندىگىن بەلگىلەدىك، ياعني 0,8 ميلليوننان 1,6 ميلليون داناعا»، - دەپ اتاپ ءوتتى «قازپوشتا» باسشىسى ساكەن سارسەنوۆ.
«سالەمدەمەلەردى جەتكىزۋ مەرزىمى تۇرعىسىندا دا دامۋعا نيەتتىمىز جانە سەرۆيس ساپاسىن ارتتىرۋ ءۇشىن قىتاي تاراپىنا مەرزىمدى ەكى ەسەگە قىسقارتۋعا ۇسىنىس جاسادىق. ياعني ق ح ر- دان قابىلدانعان ساتتەن باستاپ، ق ر- عا جەتكىزىلگەنگە دەيىن شامامەن 18 كۇن بولماق»، - دەدى ول.
ەسكە سالا كەتەيىك، وتكەن جىلى قازاقستان رەسپۋبليكاسىنىڭ پرەزيدەنتى ن. نازاربايەۆ «ۇلكەن جيىرمالىق» ەلدەرى سامميتىندە ق ح ر باسشىسىمەن ەكى ەل ىنتىماقتاستىعىن تەرەڭدەتۋ جونىندە، اتاپ ايتقاندا، جىبەك جولى ەكونوميكالىق بەلدەۋىن قۇرۋ تۋرالى يدەياسىن ايتا وتىرىپ، ەلدەردىڭ ترانزيتتىك- لوگيستيكالىق الەۋەتىن دامىتۋ تۋرالى ەكىجاقتى كەزدەسۋ وتكىزگەن بولاتىن.
وسى ورايدا ايتىپ وتكەن ءجون، جىبەك جولى بەلدەۋىن جاڭعىرتۋ جونىندەگى وسى باستاما ەلىمىزدىڭ ترانزيتتىك الەۋەتىن تولىقتاي اشۋعا باعىتتالعان قازاقستاننىڭ «نۇرلى جول» جاڭا ەكونوميكالىق ساياساتىمەن ۇندەسەدى.
