20:15, 07 - ماۋسىم 2017 | GMT +5
تەررورلىق وپەراتسيادا 4 لاڭكەستىڭ كوزى جويىلدى
استانا. قازاقپارات - يران پارلامەنتىندە تەررورلىق وپەراتسيا اياقتالدى، 4 لاڭكەستىڭ كوزى جويىلدى.
بۇل تۋرالى اتالعان ەلدىڭ يرنا اقپارات اگەنتتىگى حابارلادى. ساعات 10:15 تە باستالعان تەررورلىق وپەراتسيا تۇستەن كەيىن اياقتالدى.
ءبىر لاڭكەس ءوزىن-ءوزى جارىپ جىبەردى جانە قالعان ۇشەۋىن ي ر ساقشىلار كورپۋسىنىڭ شەنەۋنىكتەرى جويدى. يران مەديتسينالىق جاردەم باسشىسى سارسەنبىدە اگەنتتىككە پارلامەنتكە جانە حومەيني يمامى ماۆزولەيىنە شابۋىل سالدارىنان 12 ادام كوز جۇمعانىن، 42 ادام جاراقات العانىن حابارلادى.
ءبىر ۋاقىتتا ماۆزولەيدە دە اتىس باستالدى. جالپى لاڭكەستىك سالدارىنان زارداپ شەككەن 37 ادام اۋرۋحاناعا جاتقىزىلدى. دايش لاڭكەستەر توبى پارلامەنتكە جانە حومەيني يمامى ماۆزولەيىنە شابۋىلعا جاۋاپكەرشىلىكتى موينىنا الدى.
