ماسكەۋدە دۋلات يسابەكوۆتىڭ 4 تومدىق تاڭداۋلى شىعارمالار جيناعى تانىستىرىلدى
بۇل تۋرالى «قازاقپارات» ح ا ا- نىڭ ماسكەۋدەگى مەنشىكتى ءتىلشىسى حابارلادى.
قازاق جانە ورىس تىلدەرىندە جارىق كورگەن جازۋشىنىڭ ەڭبەكتەرى كەڭ تارالىپ، باسقا دا شەت تىلدەرگە: اعىلشىن، نەمىس، بولگار، ۆەنگەر، چەح تىلدەرىنە اۋدارىلدى. 2014 -جىلى لوندوندا د. يسابەكوۆتىڭ «گاۋھارتاس جانە باسقا دا اڭگىمەلەر» اتتى پوۆەستەر مەن اڭگىمەلەر جيناعى جارىق كورىپ، «وكپەك جولاۋشى» پەساسىنىڭ جەلىسىمەن سپەكتاكل قويىلعان ەدى. 2016 -جىلى ماسكەۋدەگى «كوركەم ادەبيەت» باسپاسىندا اۆتوردىڭ 4 تومدىق تاڭداۋلى شىعارمالارى باسىلىپ شىقتى.
دۋلات يسابەكوۆ ءتورت تومدىق جيناعى جايلى ايتا كەلە، كەيبىر شىعارمالاردى رەداكسيالاعانىن مالىمدەدى. سونداي- اق ول بۇرىن اۋدارىلماعان تۋىندىلاردى اۋدارۋعا كومەكتەسكەن اۋدارماشىلاردىڭ باعا جەتپەس ەڭبەگىن اتاپ ءوتتى.
«وسىنىڭ ارقاسىندا ەكى توم پروزا مەن ەكى توم دراماتۋرگيا جارىق كوردى. بۇل مەنىڭ 4 تومدىعىمنىڭ ماسكەۋدەگى تۇساۋكەسەرى. ونىڭ ءبىرىنشى تانىستىرىلىمى الماتىدا ءوتتى»، - دەدى جازۋشى. د. يسابەكوۆ بولاشاقتاعى جوسپارلارىمەن بولىسە وتىرىپ، لوندوندا ەڭبەكتەرىنىڭ تۇساۋكەسەرى وتەتىنىن حابارلادى.
«4 - ماۋسىم كۇنى لوردتار پالاتاسىندا مەنىڭ اعىلشىن تىلىندەگى تۋىندىلارىمنىڭ تۇساۋكەسەرى وتەدى. سونىمەن قاتار، كورولدىك تەاتردا مەنىڭ پەسامنىڭ پرەمەراسى بولادى»، - دەدى ول.
«دۋلات يسابەكوۆتىڭ تۋىندىلارىن شىعارۋ تۋرالى ۇسىنىستار وقىرمانداردان كەلىپ ءتۇستى. بۇل تاپسىرىس الماتى وبلىستىق كىتاپحاناسىنان ءتۇستى. بۇل ۇسىنىسقا جاۋاپ قايتاردىق. كىتاپتار جارىق كوردى»، - دەدى گ. پرياحين، 4 تومدىقتىڭ 3-6 - ماۋسىم ارالىعىندا ماسكەۋدەگى « قىزىل الاڭ» كىتاپ فەستيۆالىندە ۇسىنىلاتىنىن ايتا وتىرىپ.