10:11, 02 - مامىر 2017 | GMT +5
جاپونيادا جانارتاۋدان اتىلعان كۇلدىڭ بيىكتىگى 4 مىڭ مەترگە جەتتى
استانا. قازاقپارات - جاپون بيلىگى سەيسەنبى كۇنى ساكۋرادزيم جانارتاۋىنا بارار جولدى جاپتى. سەبەبى ودان اتىلعان كۇل 4 مىڭ مەتر بيىكتىككە جەتكەن.
ال جانارتاۋ اۋىزىنان اتىلعان تاستار 400 مەتر قاشىقتىققا دەيىن ۇشقان، دەپ حابارلادى تاسس. ساكۋرادزيما 28 -ساۋىردە وياندى، ودان شىققان ءتۇتىن شامامەن 3,8 مىڭ مەترگە جەتتى. بۇل جاپونياداعى ەڭ قاۋىپتى جانارتاۋلاردىڭ ءبىرى سانالادى. ول وزىنە جاقىن ورنالاسقان ءىرى كاگوسيما قالاسىنا قيىندىق تۋدىرىپ كەلەدى. جاپونيادا 110 عا جۋىق بەلسەندى جانارتاۋ بار. وتكەن جىلى قازاندا كيۋسيۋ ارالىندا ورنالاسقان اسو جانارتاۋى اتقىلاعان.
