استانا مەن قاراعاندىنىڭ 4 مىڭعا جۋىق تۇرعىنى قارجى پيراميداسىنا اقشا سالعان
«5 -قازاندا قارجى پيراميداسىن قۇرۋ جانە باسقارۋ فاكتىسى بويىنشا قىلمىستىق ءىس قوزعالدى. سوت الدى تەرگەۋ ءجۇرىپ جاتىر. وعان نەگىز ءى ءى د ۇ ق ك ب باياناتى بولدى، - دەدى ول. - 4000 عا جۋىق شارت انىقتالدى. ونىڭ ءبارىن تەكسەرۋ قىرۋار جۇمىس. اينالىمنىڭ قالاي، شىعىننىڭ قانشا بولعانىن قازىر ايتا المايمىز. قازىر سالىنعان قاراجات تاعدىرى ناقتىلانۋدا».
«پروكۋروردىڭ ايتۋىنشا، ءتورت ەسەپشوت تەكسەرىلدى، - دەپ اتاپ ءوتتى ول. - جۇمىس ءالى جۇرگىزىلۋدە. شەتەلدىك ەسەپشوت بولعان- بولماعانى تەكسەرىلۋدە. اقشانى رەسپۋبليكادان تىس جەرگە شىعارۋ مۇمكىندىگى تەكسەرىلۋدە».
تەرگەۋ توبى قاراعاندىدا Optovka فيرماسىنىڭ ەكى كەڭسەسىنەن، استانادا ءبىر كەڭسەدەن قۇجاتتار مەن اقشا تاركىلەدى. «تەمىرتاۋعا ۇلگەرمەدىك، ءبىز كەلگەندە كەڭسەدە تۇك بولمادى»، - دەپ قوستى تىلەشەۆ. مايقۇدىق كەڭسەسىندە 1 ميلليارد تەڭگەگە 2000 شارت رەسىمدەلگەنى بەلگىلى بولدى. تەرگەۋ ازىرگە پيراميدانىڭ اقشاسى قايدا قۇيىلعانىن انىقتاپ بولعان جوق.
«سۇراق- جاۋاپ كەزىندە «فينانسوپتوگرۋپپ» ديرەكتورى ەلەنا كولەسنيكوۆا اقشا ءبىر بيزنەسكە اۋدارىلعانىن ايتتى: جوندەۋ، تاكسي، بەلگىلى ءبىر جوبالار. ەكسپو جايىندا ايتتى. مۇنىڭ بارلىعى تەكسەرىلدى. قازىرگى ساتتە ولاردىڭ وسى قاي قىزمەت تۇرىمەن اينالىسقانىن راستايتىن قۇجاتتار جوق، ءبارى تەك ءسوز كۇيىندە»، - دەپ ءتۇسىندىردى پروكۋرور. ول كاسىپكەردىڭ تەك Lexus ماركالى كولىگى عانا تۇتقىندالعانىن ايتتى. مەنشىگى انىقتالمادى. كۇدىكتى ۇزاق ۋاقىت جالدامالى پاتەردە تۇرعان. بۇدان باسقا، فيرما باسشىسىنىڭ ادۆوكاتىنا اقشانى سالىمشىلار جيناپ جاتقانى بەلگىلى بولدى.
