اكىمدىكتەر ازىق- تۇلىك باعاسىن تۇراقتاندىرۋعا ارنالعان 4 ميلليارد تەڭگەنى يگەرە الماي وتىر - ۇكىمەت وتىرىسى
«تۇراقتاندىرۋ قورلارىن ازىق- تۇلىكپەن تولتىرۋعا بولىنگەن قارجى دەپوزيتتەردە بوستان بوس جاتىر. نە ءۇشىن يگەرىلمەي جاتىر؟!»، - دەدى پرەمەر- مينيستر ۇكىمەت وتىرىسىندا وبلىس اكىمدەرىنە قاراتىپ ايتقان سوزىندە.
سونىمەن قاتار، ب. ساعىنتايەۆ ەلىمىزدىڭ وڭىرلەرىندە قاراقۇمىقتىڭ باعاسى ەلەۋلى وسكەنىن ايتا كەلە، وسى رەتتە جاقىن ارادا بۇل ماسەلەنى شەشۋدى تاپسىردى.
ءوز كەزەكتەرىندە ۇكىمەت وتىرىسىنا سەلەكتورلىق بايلانىسپەن شىققان ءوڭىر اكىمدەرى بۇل باعىتتاعى جۇمىستاردى تاياۋ ارادا رەتكە كەلتىرەتىنىنە ۋادە ەتتى.
ق ر ۇكىمەتى وتىرىسىندا ۇلتتىق ەكونوميكا ءمينيسترى قۋاندىق بيشىمبايەۆ تۇراقتاندىرۋ قورلارىن ازىق- تۇلىكپەن تولتىرۋعا بولىنگەن قارجى دەپوزيتتەردە جاتقانىن حابارلاعان بولاتىن.
«بارلىق وڭىرلەردە تۇراقتاندىرۋ قورلارىن تولتىرۋعا ارنالىپ بولىنگەن اقشالاي قاراجاتتار ءتيىستى دەڭگەيدە قولدانىلمايدى. ماسەلەن، بۇگىنگى كۇنى اقشالاي قاراجات قالدىقتار تۇراقتاندىرۋ قورلارىنىڭ اعىمداعى جانە دەپوزيتتىك شوتتارىندا جاتقان 4 ميلليارد تەڭگەنى قۇرايدى»، - دەدى ق. بيشىمبايەۆ.
