20:39, 22 - تامىز 2016 | GMT +5
ق ر ۇلتتىق قاۋىپسىزدىك كوميتەتى بىرنەشە تەرروريزم اكتىلەرىن جوسپارلاعان راديكالدى توپتىڭ 4 مۇشەسىن ۇستادى
استانا. قازاقپارات - 2016 -جىلعى 18 -تامىزدا الماتى وبلىسىندا ۇلتتىق قاۋىپسىزدىك كوميتەتىنىڭ قىزمەتكەرلەرى قازاقستان اۋماعىندا تەرروريستىك اكتىلەر سەرياسىن جوسپارلاعان راديكالدى توپتىڭ 4 مۇشەسىن ۇستاۋ بويىنشا ارنايى وپەراتسيا جۇرگىزدى.

ق ر ۇ ق ك باسپا ءسوز قىزمەتىنىڭ حابارلاۋىنشا، قازاقستان جانە قىرعىزستان ازاماتتارى بولىپ تابىلاتىن توپقا قاتىسۋشى ۇستالعانداردان، ولاردىڭ تۇرعان جەرىندە ارنايى سالىنعان قۇپيا ورىننان قولدان ىستەلەتىن جارىلعىش قۇرىلعىلاردى دايىنداۋعا ارنالعان قۇراۋىشتار، ءدىني- ەكسترەميستىك ماتەريالدار الىندى.
راديكالداردىڭ ۇ ق ك، پوليتسيا جانە اسكەري بولىمشە قىزمەتكەرلەرىنە جانە ولاردىڭ ورنالاسقان ورنىنا قارۋلى شابۋىل جاساۋ بويىنشا جوسپارى بەيتاراپتاندىرىلدى. كەلەسى كەزەڭدە ولار ادامدار كوپ جينالاتىن جەرلەردە تەرروريستىك اكتىلەر جاساۋدى ۇيعارعان.
تەرگەۋ جانە جەدەل-ىزدەستىرۋ ءىس-شارالارى جالعاستىرىلۋدا، ولاردىڭ ناتيجەلەرى بويىنشا قوسىمشا حابارلاناتىن بولادى.