نيسسادا قازاقستاننىڭ 4 ازاماتى قازا تاپتى - ق ر س ءى م

استانا. قازاقپارات - نيسسادا (فرانسيا) ورىن العان تەراكتى كەزىندە قازاقستاننىڭ 4 ازاماتى قازا تاپتى. بۇل تۋرالى بۇگىن ق ر سىرتقى ىستەر مينيسترلىگى حابارلادى

«قازاقستان ازاماتتارى: پانچەنكو ليۋبوۆ (1956)، پانچەنكو مارينا (1983) ، پانچەنكو سيلۆيا (2013) مەن وتتو ناتاليا (1959) نيسساداعى لاڭكەستىكتىڭ قۇرباندارى بولدى. تۋعان-تۋىستارىنا جانە جاقىندارىنا كوڭىل ايتامىز. قازاقستان س ءى م قازا بولعانداردىڭ تۋىستارىنا بارلىق قاجەت كومەكتى كورسەتەتىن بولادى»، - دەلىنگەن ق ر س ءى م- ءنىڭ تۆيتتەر ارقىلى تاراتقان حابارلاماسىندا.

ەسكە سالا كەتەيىك، 14 -شىلدە كۇنى نيسسادا ورىن العان لاڭكەستىكتەن سوڭ، سوندا بولعان قازاقستاندىق ءبىر وتباسىنىڭ ءىز-ءتۇزسىز جوعالىپ كەتكەنىن حابارلاعان بولاتىنبىز.

«قازاقپارات» حالىقارالىق اقپارات اگەنتتىگى اتالعان اۋىر قازا بايلانىستى كوز جۇمعان قازاقستان ازاماتتارىنىڭ تۋىستارىنا جانە جاقىندارىنا كوڭىل ايتادى.

 اۆتور: جاسۇلان جولدىبايەۆ