اقتوبەدە 4 لاڭكەس پەن ولاردىڭ سىبايلاسىنىڭ كوزى جويىلدى - ق ر ۇ ق ك
جەدەل ىزدەۋ شارالارى ناتيجەسىندە لاڭكەستەردىڭ ورنالاسقان ورنى (نەكراسوۆ كوشەسىندەگى تۇرعىن ۇيدەگى پاتەر) انىقتالدى.
ۇ ق ك مەن ءى ءى م ارنايى ماقساتتاعى بولىمشەلەرى لاڭكەستەر ورنالاسقان پاتەردى قورشاپ، وقشاۋلادى. قاۋىپسىزدىك شارالارىن ساقتاپ، تۇرعىنداردى ەۆاكۋاتسيالادى.
كەلىسسوز بارىسىندا لاڭكەستەر وزدىگىنەن بەرىلۋدەن باس تارتىپ، اتىستى باستادى. قارۋدى تاستاپ، بەرىلۋ تۋرالى ارەكەت ناتيجە بەرمەدى. ارنايى جاساق كۇشتەرىنىڭ باتىل ارەكەتىمەن پاتەردەگى 4 لاڭكەستىڭ كوزى جويىلدى.
بەيبىت تۇرعىندار مەن كۇش قۇرىلىمدارى اراسىندا قۇرباندار مەن زارداپ شەككەندەر جوق.
سول ۋاقىتتا مياسوەدوۆ جانە ارىنوۆ كوشەلەرىنىڭ قيىلىسىندا لاڭكەستەردىڭ سىبايلاسى پوليتسيا ەكيپاجىنا وق اتتى. قارسى اتىلعان پوليتسەيلەر وعىنان لاڭكەس مەرت بولدى. ەكى قىزمەتكەر جەڭىل جارالاندى.
اقتوبە وبلىستىق تەرروريزممەن كۇرەس جەدەل شتابى جاعدايدى تۇراقتاندىرۋ، قالعان قىلمىسكەرلەردى ىزدەۋ، ولارمەن بايلانىستى جانە ىقتيمال سىبايلاستاردى انىقتاۋ بويىنشا شارالاردى جالعاستىرۋدا.
«تەررورلىق ارەكەتكە قارسى وپەراتسيانىڭ اياقتالعانى جايلى قوسىمشا حابارلانادى»، دەلىنگەن ق ر ۇ ق ك باسپا ءسوز قىزمەتى تاراتقان باسپا ءسوز بايانىندا.
