ەلباسى 4- حالىقارالىق قارۋ- جاراق كورمەسىنىڭ اشىلۋ راسىمىنە قاتىستى - فوتو
بۇل تۋرالى اقوردانىڭ باسپا ءسوز قىزمەتى حابارلادى.
مەملەكەت باسشىسى ءىس- شارا باستالار الدىندا قارۋ- جاراق، وتاندىق جانە شەتەلدىك وندىرۋشىلەردىڭ اسكەري تەحنيكالارى نازارعا ۇسىنىلعان ءبىرقاتار پاۆيلونداردى كورىپ شىقتى.
قازاقستان پرەزيدەنتى اشىلۋىنا قاتىسقان كورمە بارىسىندا ت م د- داعى بىردەن- ءبىر تاۋلى- ەگەر پولكىنىڭ، ق ر قارۋلى كۇشتەرىنىڭ 36- دەسانت- شابۋىل بريگاداسىنىڭ اسكەري قىزمەتشىلەرى، كاسكادەرلەر توبى مەن ۇرىس كورىنىستەرىن قوياتىن مەكتەپ وقۋشىلارى ءوز شەبەرلىكتەرىن كورسەتتى.
نۇرسۇلتان نازاربايەۆ بۇقارالىق اقپارات قۇرالدارىنا ارنالعان بريفينگ بارىسىندا تاۋەلسىزدىك جىلدارى مەملەكەت ءوز قارۋلى كۇشتەرىن دامىتۋ باعىتىندا اۋقىمدى جۇمىس اتقارعانىن، قازاقستاندىق اسكەري قىزمەتشىلەردى قورعانىس مينيسترلىگىنىڭ وقۋ ورىندارىندا وقىتۋعا زور كوڭىل ءبولىنىپ وتىرعانىن اتاپ ءوتتى.
سونىمەن قاتار، مەملەكەت باسشىسى قازاقستان ارمياسىن ماتەريالدىق تۇرعىدان جابدىقتاۋ جۇيەسىن بۇدان ءارى دامىتا ءتۇسۋدىڭ ماڭىزدىلىعىنا توقتالدى.
- نەگىزىنەن، ءبىز وزىمىزدە بار جانە كەڭەستىك اسكەري- ونەركاسىپتىك كەشەنمەن بايلانىستى اسكەري تەحنيكانى قولدانامىز. سونىمەن بىرگە، وزگە ەلدەرمەن ىقپالداستىقتىڭ، اتاپ ايتقاندا، ۇقشۇ اياسىنداعى تەحنيكالىق ىنتىماقتاستىقتىڭ كەشەندى شارالارى جۇزەگە اسىرىلىپ جاتىر. رەسەي فەدەراتسياسىمەن قارۋ- جاراق شىعارۋ جانە كەيبىر كاسىپورىنداردى قازاقستانعا كوشىرۋ ءۇشىن بىرلەسىپ جۇمىس جۇرگىزۋ جونىندە كەلىسىم بار.
ەۋروپانىڭ كوپتەگەن ەلدەرىمەن دە ۋاعدالاستىققا قول جەتكىزىلگەن. ءبىز قازاقستاندا ەڭ ءتاۋىر قۇرال- جابدىقتاردى قولدانا وتىرىپ، ءوزىمىزدىڭ قورعانىس- ونەركاسىپتىك كەشەنىمىزدى دامىتۋدامىز. ءبىر جاعىنان، بۇل ايتارلىقتاي شىعىن اكەلەدى. ەكىنشى جاعىنان، اسكەري ونەركاسىپ ەلدى يندۋستريالاندىرۋدىڭ ىشكى جالپى ءونىم وسىمىنە ۇلەس قوساتىن ءبىر سالاسى بولىپ سانالادى. جالپى، بۇل كورمە بىزگە الەمنىڭ ەڭ زاماناۋي قارۋ- جاراقتارىن كورۋگە مۇمكىندىك تۋدىرادى. ءبىزدىڭ اسكەريلەرىمىز ءۇشىن، جالپى قازاقستان ءۇشىن بۇل ءىس- شارانىڭ ماڭىزى زور دەپ ويلايمىن، - دەدى قازاقستان پرەزيدەنتى.
***
كورمەنىڭ جالپى اۋدانى 90 مىڭ شارشى مەتردەن استام اۋماقتى الىپ جاتىر. وعان 350 دەي قازاقستاندىق جانە شەتەلدىك كومپانيا، 40 تان استام ەل، 3,5 مىڭ ادام قاتىسىپ، 50 مىڭ ادام كەلىپ كورەتىن بولادى.
«KADEX-2016» كورمەسى مىناداي 7 تاقىرىپتىق باعىتتا وتكىزىلۋدە: اۆياتسيا تەحنيكاسى، ۇشقىشسىز باسقارىلاتىن ۇشۋ اپپاراتتارى مەن عارىشتىق تەحنولوگيالار؛ قۇرلىق اسكەرىنىڭ جانە اسكەري- تەڭىز كۇشتەرىنىڭ قارۋ- جاراعى مەن اسكەري تەحنيكاسى؛ اۋە قورعانىس كۇشتەرى جۇيەلەرى مەن قۇرالدارى؛ اسكەردى تىلدىق جانە تەحنيكالىق تۇرعىدان قامتاماسىز ەتۋ مۇلىكتەرى؛ IT- تەحنولوگيالار، بايلانىس جۇيەلەرى مەن قۇرالدارى؛ اسكەري سالاداعى روبوتتى تەحنيكا؛ اسكەري سالادا قولدانىلۋى ىقتيمال ەنەرگيانىڭ بالامالى كوزدەرى.
