قىتايدا قىپشا بەلدى ا4 فورماتتاعى قاعازبەن ولشەۋ بەلەڭ الدى

استانا. قازاقپارات - قىتاي جەرىندە كادىمگى ۋوتساپتىڭ بالاماسى - Weibo جەلىسىندە جاڭا ءۇردىس بەلەڭ الىپ بارادى.

قازىر مۇنداعى بويجەتكەندەر بەلدەرىنىڭ قانشالىقتى جىڭىشكە ەكەندىگىن كورسەتۋ ءۇشىن ونى A4 فورماتتاعى قاعازبەن جاۋىپ تۇرىپ، تۇسكەن سۋرەتتەرىن جارىسا جاريالاپ جاتىر. ولار مۇنى Weibo-دا #A4waist حەشتەگىن قويىپ جاساعان. ەندى بۇل ترەند Instagram عا كىرۋشىلەرگە «جۇققان». بۇل ۇردىستەن مەزى بولا باستاعان وزگە جۇرت ولاردى كەلەكە ەتىپ تۇسكەن ءتۇرلى سۋرەتتەرىن قالىسپاي جاريالاۋدا.

ال تاپ سول كەزدە قىتايداعى ەر ادامدار باس بولىگىن A4 قاعازىمەن جاۋىپ تۇسكەن سۋرەتتەرىن عالامتورعا «جاۋدىردى». ولار وسى ارقىلى قىپشا بەلدى قىز-كەلىنشەكتەردىڭ اقىل-ويى دا تار بولاتىندىعىن بىلدىرگىسى كەلىپتى، دەپ حابارلايدى informing.ru.

www.24.kz