تۋىلعالى بەرى 4 جاسار ءبۇلدىرشىن ەشتەڭە جەمەي ءوسىپ كەلە جاتىر
شىنىندا دا بۇل بالاقاي تۋعالى بەرى ءبىر توستاق تاماق جەپ كورمەگەن ەكەن. بۇعان ونىڭ وتە سيرەك كەزدەسەتىن سيندروممەن اۋىراتىنى سەبەپ بولىپتى.
جاسى بۇگىندە 4-كە كەلگەن وكلي لانگران تۋعاننان باستاپ كۇنىنە 100 رەتكە دەيىن جۇرەگى كوتەرىلىپ، لوبليتىنىمەن دارىگەرلەردى قاتتى تاڭ قالدىرىپتى. وسىعان بايلانىستى ول ءالى كۇنگە دەيىن تاماق جەي المايتىن كورىنەدى. بالا ءداستۇرلى تاعامدارمەن ەندى تەك ويىنشىق رەتىندە وينايدى.
اتالمىش اۋرۋ وتە- موتە سيرەك كەزدەسەتىن بولعاندىقتان، دارىگەرلەر ونى بالانىڭ اتىمەن «وكلي سيندرومى» دەپ اتاۋعا ۇيعارىم جاساعان. نارەستە ومىرگە تاماعى كەمىس بولىپ كەلگەن. مۇنى ماماندار «گاسترو- ەزوفاگەالدى رەفليۋكستى سىرقات» دەپ اتاپ وتىر. بالا اۋقات جەي المايتىن بولعاندىقتان، اتا- اناسى وعان ازىق- تۇلىك تاۋارلارىنىڭ پلاستيكالى مۋلياجىن بەرەدى. وكلي ونىمەن ويىنشىق رەتىندە وينايدى. سابيگە ناعىز تاماق تەك روجدەستۆو كەزىندە عانا ۇسىنىلادى. ءبىراق وكلي ونى دا قولعا ۇستاپ كورگەننەن ارتىققا بارا المايدى.
وسىنداي كەمشىلىكتەرىنە وراي وكلي تۋعان بويدا دەرلىك ونىڭ اسقازانىنا بىردەن تاماق اپاراتىن ارنايى تۇتىك ورناتۋعا تۋرا كەلگەن. ول وسى كەزگە دەيىن بالمۇزداقتىڭ، شىرىنداردىڭ، جەمىستەردىڭ ءوز دامدەرى قانداي بولاتىنىن بىلمەيدى. الايدا، بۇل جاعداي وكليدىڭ كوڭىل كۇيىنە تيتتەي دە اسەر ەتپەگەن. بالاقاي كوڭىلدى، ومىرگە قۇشتار، تىنىمسىز بولىپ ءوسىپ كەلەدى.
بۇدان ءبىرقاتار ۋاقىت بۇرىن لوندونداعى كوروليەۆا كوللەدجى لانگرانعا وپەراتسيا جاساپ، ونىڭ دەنەسىنىڭ ىشكى قۋىسىندا نە بار ەكەنىن، قۇسۋعا بەيىم تۇرۋشىلىقتىڭ نەدەن بولاتىنىن انىقتاۋعا ارەكەت جاساعان ەكەن. وسىدان كەيىن ونىڭ ۇدايى جۇرەگى كوتەرىلۋى قويىپتى. الايدا، دارىگەرلەر ءالى كۇنگە دەيىن بۇل سيندرومنىڭ سەبەبىن ءدال بىلە الماي وتىر، دەپ جازادى «ەگەمەن قازاقستان» گازەتى.
