قياردىڭ كەسىرىنەن 4 جاسار بالا لاڭكەس بولا جازدادى

 استانا. قازاقپارات - بريتانياداعى بالاباقشالاردىڭ بىرىندە تاربيەلەنەتىن ءتورت جاسار بالدىرعان ويلاماعان جەردەن لاڭكەس بولا جازدادى.

 بالاباقشاداعى ساباقتاردىڭ بىرىندە ول قيار تۋراپ جاتقان ادامدى سالعان كورىنەدى. بالەنىڭ ءبارى وسىدان باستالعان!

تاربيەلەۋشىلەر بالاقايدىڭ سۋرەتتى сооker bomb (بومبا جاساۋشى) دەپ اتاعانىن ەستىپ، بۇل جايىندا ونىڭ اتا- اناسىنا جانە پوليسياعا حابارلاعان. ال، نەگىزىندە، بالاقاي بۇل سۋرەتىنە اعىلشىن تىلىندە ايتىلۋى جاڭاعى ءسوز سەكىلدى cucumber (قيار) دەگەن اتاۋ بەرگەن كورىنەدى.

اتا- اناسىنىڭ قۋانىشىنا وراي، وقيعا ورنىنا جەتكەن پوليتسيا قىزمەتكەرلەرى ەشقانداي ءىس قوزعاماعان. «مەن ەستىگەندە، ەسىمنەن تانىپ قالا جازدادىم» دەگەن اناسى بالاقايدى الىپ كەتەدى ەكەن دەپ قورقىپ كەتكەنىن ايتادى.

ويتكەنى، بۇنداي وقيعا كۇلكىلى كورىنگەنىمەن، ەلدەگى راديكاليزممەن كۇرەس باعىتىنداعى «Prevent» (الدىن الۋ) باعدارلاماسى بويىنشا جۇمىس قارقىندى جۇرگىزىلپ جاتىر. بيىلعى جىلى قاڭتار ايىندا بريتانيادا 10 جاسار مۇسىلمان وقۋشىسىنىڭ شىعارماسىنداعى terraced house (تاۋنحاۋستە تۇرامىن) دەپ جازۋدىڭ ورنىنا قاتەلەسىپ، terrorist house (تەررورشىلاردىڭ ۇيىندە تۇرامىن) جازعانى ءۇشىن ۇيىنە ءتىنتۋ جۇرگىزىلگەنى بار.