عارىشتا ءبىر جىل بولعان استروناۆتتىڭ بويى 4 سانتيمەترگە ءوستى

 استانا. قازاقپارات - عارىشتا 340 كۇن بولعان سكوتت كەلليدىڭ دەنە ءبىتىمى وزگەرگەن، دەپ حابارلايدى CNN اگەنتتىگى.

امەريكانىڭ استروناۆتى سكوتت كەللي 2 - ناۋرىزدا ح ع س- نان جەرگە ورالدى. ارادا بىرنەشە كۇن وتكەن سوڭ ونىڭ ەگىزىنىڭ سىڭارى - مارك عالىمدارعا سكوتتىڭ بويى وزگەرگەنىن حابارلاعان.

ۇشىرىلىمعا دەيىن ماركتىڭ ايتۋىنشا، ەگىزدەردىڭ دەنە بىتىمدەرى بىردەي بولعان. سكوتت تۋعان قالاسى حيۋستونعا كەلگەندە انىقتالعانداي، ول عارىشتا بولعان شاقتا ومىرتقالارى 4 سانتيمەترگە سوزىلعان. الايدا ارادا ەكى كۇن وتكەن سوڭ ەگىزدەردىڭ بويلارى «تەڭەسىپتى».

عالىمدار اعايىندى كەلليلەردى تەكسەرىپ، ەگىزدەرگە قورشاعان ورتاداعى وزگەرىستەردىڭ قالاي اسەر ەتەتىنىن تۇسىنۋگە تىرىسىپ كورمەك.