ەلوردادا ابىلاي حان داڭعىلىندا 4 كۇنگە قوزعالىس شەكتەلەدى

استانا. قازاقپارات - بۇگىن ساعات 17:00 دەن باستاپ ر. قوشقاربايەۆ كوشەسى مەن ابىلاي حان داڭعىلىنىڭ قيىلىسىندا قوزعالىس شەكتەلەدى.

اتالمىش جول بولىگىندە «№12 كوشەدەن ابىلاي حان داڭعىلىنا دەيىن №14 كوشەنى سالۋ» جوباسى اياسىندا ينجەنەرلىك جۇيەلەردى تارتۋ بويىنشا جۇمىستار جۇزەگە اسىرىلادى. بۇل تۋرالى استانا قالاسىنىڭ جولاۋشىلار كولىگى جانە اۆتوموبيل جولدارى باسقارماسى حابارلايدى.

كولىك جۇرگىزۋشىلەرىن اقپاراتتاندىرۋ ماقساتىندا قاجەتتى ەسكەرتپە بەلگىلەر ورناتىلادى. اتالمىش جول بولىگىندەگى كولىك قوزعالىسى قازان ايىنىڭ 19 ى كۇنى ىسكە قوسىلادى دەپ كۇتىلۋدە.

ەلوردالىق باسقارما كەپتەلىستى بولدىرماۋ ءۇشىن كولىك يەلەرىن ءوز باعىتتارىن الدىن الا جوسپارلاۋعا شاقىرادى، دەپ جازادى astana.gov.kz.