اقتوبەدە جۇك كولىگىن توناعان 4 ەر ادام سوتتالدى

استانا. قازاقپارات - مارتوك اۋداندىق سوتىندا قازاقستان رەسپۋبليكاسىنىڭ ق ك-نىڭ 188-بابى 2- بولىگىنىڭ 1,2,3 تارماقتارى بويىنشا 4 ازاماتقا قاتىستى قىلمىستىق ءىس قارالدى.
None
None

 وبلىستىق سوتتىڭ باسپا ءسوز قىزمەتىنەن حابارلاعانداي، 2013 -جىلى 18 -ماۋسىم كۇنى اقتوبە وبلىسى مارتوك اۋدانى «اقتوبە- جايسان» تاس جولىندا سوتتالۋشىلار ۇرلىق جاساعان. الدىن الا ءسوز بايلاسقان توپ جولدا تۇرعان جۇك تاسيتىن ماشينا جۇرگىزۋشىسىنىڭ ۇيىقتاعانىن پايدالانىپ، فۋرگوننىڭ قۇلپىن زاڭسىز بۇزىپ 12 شەلەك «ۆينيكور-62» بوياۋ ۇرلاپ العان.

2015 -جىلى 29 -قاڭتار كۇنى «اقتوبە- جايسان» تاس جولىندا سوتتالۋشىلار ءدال وسى جولمەن فۋرگوننىڭ قۇلپىن زاڭسىز بۇزىپ، اۆتوكولىك ىشىنەن 28 قوراپ «رافاەللو» كامپيتتەرىن، 74 قوراپ «كيندەرسيۋرپريز» كامپيتتەرىن ۇرلاعان. وسىلايشا ولار جاپا شەگۋشى ج ش س- عا 218800 تەڭگە كولەمىندە ماتەريالدىق زالال كەلتىرگەن.

ولار بۇل امالمەن تاعى قۇنى 375210 تەڭگەنى قۇرايتىن «دجينن» شەكىلدەۋىگىنىڭ 132 بلوگىن جىمقىرعان.

سوت بارلىق ءىس ماتەريالدارىن زەردەلەپ، شەكىلدەۋىكتى ۇرلاۋ جاعدايى بويىنشا سوتتالۋشىلاردىڭ بۇرىن سوتتالماعاندىعىن ەسكەرىپ، قىلمىستىق جاعىمسىز ارەكەتى اۋىرلىعى ورتاشا قىلمىس ساناتىنا جاتاتىندىعىن ءىس ءوندىرىسىن قىسقارتتى.

باسقا قىلمىستار بويىنشا ايىپتالۋشىلار كىنالى دەپ تانىلىپ، ەكى توناۋشىنىڭ بوستاندىعىن 2 جىلعا، قالعان ەكەۋىنىكىن 3 جانە 4 جىلعا شەكتەدى. سونىمەن قاتار ولاردىڭ مۇلكى تاركىلەندى.

سوت ۇكىمى زاڭدى كۇشىنە ەنبەدى.

سوڭعى جاڭالىقتار