قازاقستاندا تىركەلگەن زاڭدى تۇلعالاردىڭ سانى بىلتىرمەن سالىستىرعاندا 4 پايىزعا ارتتى
بۇل تۋرالى ۇلتتىق ەكونوميكا مينيسترلىگى ستاتيستيكا كوميتەتىنىڭ باسپا ءسوز قىزمەتىنەن حابارلاندى.
تىركەلگەن زاڭدى تۇلعالاردىڭ ىشىندە قىزمەتكەرلەرىنىڭ سانى 100 ادامنان كەم بولاتىن زاڭدى تۇلعالار سانى 346891 بىرلىكتى قۇرايدى.
سونىمەن قاتار، ناقتى جۇمىس ىستەپ تۇرعان زاڭدى تۇلعالاردىڭ سانى 199104 ءتى قۇرادى، ونىڭ ىشىندە 190636 بىرلىك شاعىن كاسىپورىندار (100 ادامنان كەم) بولىپ تابىلادى.
مالىمەتتەرگە سۇيەنسەك، 2015-جىلعى قاڭتار-اقپاندا «ساۋدا» سالاسى بويىنشا ناقتى كولەم يندەكسى 103,2 پايىزدى قۇراعان. ال وسى كەزەڭدەگى بولشەك ساۋدا كولەمى (قوعامدىق تاماقتاندىرۋ اينالىمىنسىز) 857,2 ميلليارد تەڭگەنى قۇراپ، 2014-جىلعى قاڭتار-اقپانمەن سالىستىرعاندا 3,9 پايىزعا ءوستى. سونىمەن قاتار، تۇتىنۋ باعاسىنىڭ يندەكسى 2015-جىلعى اقپاندا 2014-جىلعى جەلتوقسانمەن سالىستىرعاندا 101 پايىزدى قۇراعان. ازىق-تۇلىك تاۋارلارىنا باعالار - 1,4 پايىز، حالىققا ارنالعان اقىلى قىزمەتتەرگە - 2,1 پايىزعا ءوسىپ، ازىق-تۇلىك ەمەس تاۋارلارعا - 0,6 پايىزعا تومەندەگەن.
اۆتور: قانات مامەتقازى ۇلى
