18:04, 26 - تامىز 2014 | GMT +5
تۇركيادا 4 مىڭ جىل بۇرىنعى سىلدىرماق تابىلدى
استانا. قازاقپارات - كيۋلتەپە كانيش- كارۋم ساۋدا كولونياسىندا ارحەولوگتار قازبا جۇمىستارىن جۇرگىزۋ كەزىندە شامامەن 4 مىڭ جىل بۇرىنعى سىلدىرماق تاۋىپ الدى. بۇل ەجەلگى بەلگىلى ويىنشىق ءتۇرى بولۋى ىقتيمال.
جەر قازۋ جۇمىستارى 1948- جىلدان بەرى جۇرگىزىلۋدە. مۇندا پروفەسسور فيكري كۋلواكوگلۋدىڭ باسشىلىعىمەن انكارا ۋنيۆەرسيتەتىنىڭ ەكسپەديتسياسى جۇمىس ىستەۋدە.
سىلدىرماق بالشىقتان جاسالعان، ىشىنە كىشكەنتاي تاستار سالىنعان، ونى سىلدىرلاتسا، قازىرگى ويىنشىقتاردىڭ سىڭعىرىنان ەش ايىرماشىلىعى جوق، دەپ حابارلادى Euromag.
كيۋلتەپە-كانيش - كىشى ازيانىڭ ەجەلگى قالالارىنىڭ ءبىرى. ب. ە. دەيىن Ⅱمىڭجىلدىقتا كيۋلتەپە ۇلكەن قالا بولعان - وندا 50 مىڭنان استام ادام تىرشىلىك ەتكەن.
