ماليدە كەمەگە شابۋىل جاسالىپ، 49 بەيبىت تۇرعىن قازا تاپتى
سونداي-اق سودىرلار اسكەري لاگەرگە شابۋىلداپ، 15 ساربازدى مەرت قىلعان، ال سودىرلاردان 50 گە جۋىق ادام قۇربان بولعان.
وسىعان بايلانىستى ەلدە ءۇش كۇندىك قارالى كۇن جاريالاندى.
«قارۋلى تەررورلىق توپ نيگەر وزەنىنىڭ بويىمەن گاودان موپتي قالاسىنا قاراي كەتىپ بارا جاتقان كەمەگە شابۋىلداعان» دەلىنگەن مالي ارمياسىنىڭ دەرەكتەرىندە.
كەمە وپەراتورى Comanav AFP اقپارات اگەنتتىگىنە كەمەگە 3 زىمىران اتىلعانىن حابارلادى. توررورشىلار قوزعالتقىشتى دالدەگەن.
مالي 2020-جىلدان بەرى حۋنتانىڭ قول استىندا.
حۋنتا ەكس-پرەزيدەنت يبراگيم بۋباكارا كەيتاعا قارسى جاسالعان بۇقارالىق نارازىلىق شارالارىنان كەيىن حالىقتىڭ باسىم قولداۋىنا يە بولعان.
قولدا بار مالىمەتتەرگە قاراعاندا ماليدىڭ ءىس باسىنداعى اسكەري بيلىك ەلدىڭ كەيبىر بولىكتەرىن باقىلاپ وتىرعان تەررورشىلارىمەن كۇرەستە ايتارلىقتاي جەتىستىككە قول جەتكىزە المادى.
