كانادادا 49 گرادۋس ىستىق: جۇزدەن اسا ادام كوز جۇمدى
اۋا تەمپەراتۋراسى بريتاندىق كولۋمبيا پروۆينتسياسىندا ءتورت كۇن بويى كوتەرىلىپ، سەيسەنبى كۇنى قالالاردىڭ بىرىندە تسەلسيي بويىنشا 49,5 گرادۋسقا جەتكەن. ۆانكۋۆەردىڭ (پروۆينتسيانىڭ ءىرى قالاسى) وزىندە جۇمادان باستاپ جىلۋ سوققىسىنىڭ سالدارىنان 130 ءولىم تىركەلگەن. كوز جۇمعانداردىڭ باسىم بولىگى - ەگدە جاستاعى جانە سوزىلمالى اۋرۋى بار ادامدار.
كاناداداعى بۇرىن- سوڭدى بولماعان ىستىق اۋا تەمپەراتۋراسى +46°س- تان اسىپ، 80 جىلدىق رەكورد ورناتتى. سوڭعى رەت مۇنداي ىستىق 1937 -جىلى ساسكاچيەۆان پروۆينتسياسىندا تىركەلگەن.
بۇعان دەيىن ا ق ش ۇلتتىق مەتەورولوگيالىق قىزمەتى (NWS) ۆاشينگتون مەن ورەگون شتاتتارىنىڭ بارلىق اۋماعىندا، سونداي- اق كاليفورنيا مەن ايداحونىڭ كوپتەگەن اۋدانىندا قاتتى ىستىق بولاتىنىن حابارلاعان بولاتىن. ماماندار تەمپەراتۋرانىڭ كۇرت كوتەرىلۋىن ا ق ش- تىڭ سولتۇستىك- باتىسى مەن كانادا بولىگىنىڭ ۇستىندە پايدا بولعان جوعارى قىسىمدى ايماقپەن ءتۇسىندىردى.
