قىتايدا ءبىر جىلدا سىبايلاس جەمقورلىق قىلمىس جاساعانى ءۇشىن 49 مىڭ شەنەۋنىك سوتتالدى
ونىڭ ىشىندە 134 ى پروۆينسيالدىق ۇكىمەت باسشىلىعىندا جانە جوعارى دەڭگەيدەگى لاۋازىمداردا جۇمىس ىستەگەن.
بۇل تۋرالى جەكسەنبى كۇنى جوعارعى حالىق سوتىنىڭ باسشىسى جوۋ چيان ايتتى، دەپ حابارلادى ت ا س س.
بۇكىل قىتايلىق حالىق وكىلدەرى جينالىسىنىڭ جىل سايىنعى سەسسياسىندا زاڭ شىعارۋشىلار الدىندا ءسوز سويلەگەن جوۋ چيان 2015 -جىلى سوت وتىرىسى 1,1 ميلليون قىلمىستىق ىسكە ۇكىم شىعارعانىن، بۇل 2014 -جىلعا قاراعاندا، 7,5 پايىزعا جوعارى ەكەنىن ايتتى. سوتتالعاندار سانى 2015 -جىلى 4 پايىزعا، 1,23 ميلليون ادامعا دەيىن ارتقان.
2015 -جىلى قىتايدا 262 اۋىر قىلمىس (كىسى ءولتىرۋ، قارۋلى توناۋ، ورتەۋ) جاسالدى. 139 مىڭ قىلمىس ەسىرتكى اينالىمىنا بايلانىستى. 5,5 مىڭ قىلمىس زاڭسىز ايەل، بالا ساۋداسى، جىنىستىق زورلىق. كيبەرقىلمىس ءۇشىن 6,2 مىڭ ادام سوتتالعان.
ەكىنشى دۇنيەجۇزىلىك سوعىستاعى جەڭىستىڭ 70 جىلدىعى قۇرمەتىنە 2015 -جىلى 31,5 مىڭ ادامعا راقىمشىلىق جاسالىپ، بوستاندىققا شىققان.
