مەكسيكادا ەسىرتكى بارونىنىڭ قاشقانى ءۇشىن تۇرمەنىڭ 49 قىزمەتكەرى ۇستالدى

 استانا. قازاقپارات - مەكسيكا بيلىگى ەسىرتكى كارتەلىنىڭ سەركەسى حواكين گۋسمان، لاقاپ اتى ەل چاپو (قورتىق) قاشقان تۇرمەنىڭ 49 قىزمەتكەرىن ۇستادى.

بۇل تۋرالى El Nuevo Herald باسىلىمى EFE اگەنتتىگىنە سىلتەمە جاساپ حابارلادى.

 ۇستالعانداردىڭ ىشىندە تۇرمە ديرەكتورى ۆالەنتين كاردەناس لەرما، كۇزەتشىلەر مەن اكىمشىلىك قىزمەتكەرلەر بار. ولار ەل چاپونىڭ قاشۋىنا كومەكتەستى دەگەن كۇدىك بار.

 12 - ماۋسىمدا 18 ادام ۇستالسا، قازىر 49 عا جەتتى. ساياساتكەرلەر ەل چاپونىڭ قاشۋى ءۇشىن پارا بەرىپ قانا قويماي، وتباسى مۇشەلەرىنە قاۋىپ ءتوندىرۋ ارقىلى قىزمەتشىلەردى قورقىتۋ مۇمكىندىگىن دە ايتتى.

ەل چاپو قاتاڭ تارتىپتەگى التيپلانو تۇرمەسىنەن 12 - شىلدەدە ون مەترلىك تەرەڭدىكتە قازىلعان، ۇزىندىعى 1,5 شاقىرىمعا سوزىلعان تۋننەل ارقىلى قاشقان.

 بۇل ميللياردەر حواكين گۋسماننىڭ قاتاڭ تارتىپتەگى تۇرمەدەن ەكىنشى رەت قاشۋى. العاشقىسى 2001 -جىلدىڭ قاڭتار ايىندا بولعان.