بيىل قانداستارعا 490 ءبىلىم گرانتى ءبولىندى

استانا. قازاقپارات - عىلىم جانە جوعارى ءبىلىم مينيسترلىگى بيىل مەملەكەتتىك ءبىلىم گرانتتارى قالاي بولىنەتىندىگىن جاريا ەتتى، دەپ حابارلايدى قازاقپارات ءتىلشىسى.

«2023-2024 - وقۋ جىلىنا مەملەكەتتىك تاپسىرىس كولەمى - 88204 گرانت، باكالاۆريات ءۇشىن - 73061 گرانت. دايىندىق باعىتتارى بويىنشا: پەداگوگيكا - 15923, ونەر جانە گۋمانيتارلىق عىلىمدار - 1615, الەۋمەتتىك عىلىمدار - 960، بيزنەس، باسقارۋ جانە قۇقىق - 1223 جاراتىلىستانۋ عىلىمدارى - 7388، اقپاراتتىق- كوممۋنيكاتسيالىق عىلىمدار - 12037، ينجەنەرلىك - 21675, اۋىل شارۋاشىلىعى جانە بيورەسۋرستار - 2345, قىزمەتتەر - 2200، ۆەتەريناريا - 975. شەتەلدىك ازاماتتاردىڭ حالىقارالىق قاتىناستار بويىنشا ءبىلىم الۋىنا - 365 گرانت. قوس ديپلوم ءبىلىم بەرۋ باعدارلاماسى بويىنشا جوعارى جانە جوعارى وقۋ ورنىنان كەيىن ءبىلىم ۇيىمدارىندا ستۋدەنتتەردىڭ وقۋىنا - 1500 گرانت. م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتى قازاقستان فيليالىنا - 125 گرانت. شەتەلدىك ج و و- لار فيليالدارىنا - 200 گرانت» ، - دەلىنگەن مينيسترلىكتىڭ اگەنتتىكتىڭ رەسمي ساۋالىنا بەرگەن جاۋابىندا.

ۆەدومستۆو مالىمەتىنشە، «نازاربايەۆ ۋنيۆەرسيتەتىنە» شەتەل ازاماتتارىن قوسا العاندا 1192 گرانت، ج و و- لاردىڭ دايىندىق بولىمشەلەرىنىڭ تىڭداۋشىلارىنا - 1750 گرانت، «نازاربايەۆ ۋنيۆەرسيتەتىنىڭ» دايىندىق بولىمشەسىنە 600 گرانت ءبولىنىپ وتىر.

شەتەلدىك ازاماتتاردىڭ، ونىڭ ىشىندە قازاقستان رەسپۋبليكاسىنىڭ ازاماتى ەمەس ۇلتى قازاق قانداستارعا 490 گرانت بەرىلەدى. رەزەرۆتە 100 گرانت بار. «ماسكەۋ اۆياتسيا ينستيتۋتىنىڭ» «ۆوسحود» فيليالىندا ءبىلىم الۋعا 45 گرانت بولىنگەن.

ال، ماگيستراتۋراعا 13253 گرانت، دوكتورانتۋراعا 1890 گرانت ءبولىنىپ وتىر.