وسكەمەندە جۇيكەگە اسەر ەتەتىن زاتتاردى ساتۋمەن اينالىسقان 48 جاستاعى فارماسەۆت ۇستالدى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، نوۆاتوروۆ كوشەسىندەگى كوپقاباتتى ءۇي تۇرعىندارى ءدارىحانادا كامەلەتكە تولماعاندارعا «ترامادول»، «تروپيكامەد» پرەپاراتتارى رەتسەپتسىز ساتىلىپ جاتقاندىعى تۋرالى ارىزدانعان.
سوعان وراي ەسىرتكى قىلمىسىنا قارسى ءىس- قيمىل باسقارماسىنىڭ قىزمەتكەرلەرى ساتىپ الۋشىنىڭ كەيپىنە ەنىپ اتالعان ءدارىحاناعا باردى. فارماسەۆت ولارعا «تروپيكامەد» پرەپاراتىن 1200 تەڭگەگە ساتقان.
«پوليتسيا قىزمەتكەرلەرى 48 جاستاعى فارماتسەۆتتى ۇستاپ، ودان 11 دانا «تروپيكامەد» جانە 2 «ترامادول» پرەپاراتتارىن تاركىلەدى. جينالعان ماتەريال ق ر ا ق ب ت ك-نىڭ 426-بابى بويىنشا ءدارىحانا يەسىن اكىمشىلىك جاۋاپقا تارتۋ ءۇشىن مەديتسينالىق فارماسەۆتيكالىق باقىلاۋ كوميتەتىنىڭ وبلىستىق دەپارتامەنتىنە جولداندى»، - دەلىنگەن اقپاراتتا.
جىل باسىنان بەرى وڭىردە فارماسەۆتيكالىق قىزمەت ەرەجەسىن بۇزۋدىڭ 5 فاكتىسى انىقتالعان. سالىنعان ايىپپۇلدىڭ جالپى مولشەرى - 1805700 تەڭگەنى قۇرادى.
اۆتور: تالعاتجان مۇحامەتبەك ۇلى
